Áleýmettik jeli qoldanýshylaryn taǵy bir erekshe vıdeo súısintti. Kadrda qazaq tilin erkin meńgergen, tipti turmystyq deńgeıde, oıyn arasynda qazaq tilinde sóılesken orys balalary kórinedi, dep habarlaıdy Dalanews.kz.

Vıdeo áleýmettik jelilerde keńinen tarap ketti. Degenmen qaı óńirde túsirilgeni naqty kórsetilmegen. Keıbireýler vıdeodaǵy dıalektilerge qarap, batys óńirinde túsirilgen bolýy múmkin ekenin aıtty.

Kadrlarda ata-anasy da balalarmen qazaq tilinde sóıleskeni baıqalady. Jeli qoldanýshylary qazaq tilinde erkin sóılegen balalardyń vıdeosyna beı-jaı qaramaı, túrli pikir jazǵan:

"Bizdiń ózge tilde saırap, óz tilinde tilin shaınaıtyndarǵa kúnige kórsetetin eken...", "Qazaq synybyna bergen orys balalary ǵoı", "Sary shashty altyn qyzdarymyz. Jaı ǵana qazaqsha sóılep qana qoımaı, daýys yrǵaǵymen, kerek sózderdi durys qoldanyp, áńgimeniń dámin kirgizip aıtady eken!", "Ata-anasynyń aqyly bar eken, demek balalary úshin bolashaqtaryn oılaǵan", "Keleshekte naǵyz qazaqtar osylar bolady. Eger bul sary balaqaılar úlkeıgende qazaqsha sóılep tursa, óz tilin bilmeıtin máńgúrt qazaqtar bálkim betteri qyzaratyn bolar, kim biledi, olardyń betteri qalyńdap ketse uıalmaıtyn da shyǵar", - dedi olar.

Keı sarapshylar bul qubylysty eldegi til saıasatynyń birtindep nátıje bere bastaǵanynyń belgisi dep te baǵalaıdy.

Mektepterde qazaq tiline basymdyq berilýi, qazaq tildi kontenttiń artýy, sondaı-aq, jastardyń kúndelikti ortada qazaqsha sóıleıtin dostary kóbeıýi – osynyń bári áser etpeı qoımaıdy.

Aıta keteıik, áleýmettik jelilerde mundaı vıdeolar men jazbalar keń taralyp, oń pikirler jınap jatady.