Aqmola oblysyndaǵy erekshe qyzǵylt tústi Kóbeituz kóliniń tuzyna taǵy da qaýip tónip tur. Týrister emdik qasieti bar dep esepteletin tuzdy jappai qazyp, úiine alyp ketip jatyr. Tipti keibir demalýshylar kól jaǵasyna kúrek, shelek, qap sekildi arnaiy qural-jabdyqpen kelip, qyzǵylt tuzdy túrli ydystarǵa salyp jatyr, dep habarlaidy Dalanews.kz.
Bul jaǵdai áleýmettik jelilerge taraǵan videolardan keiin belgili boldy. Jeli qoldanýshylary bul áreketti ekologiialyq jaýapsyzdyq dep aiyptap, jaýapty organdardan shara qoldanýdy talap etti.
Eske salaiyq, osydan bes jyl buryn koronavirýs pandemiiasy kezindegi karantin shekteýleri kezinde de dál osyndai jaǵdai tirkelgen bolatyn. Ol kezde kóldiń emdik qasieti týraly aqparattan soń tuzdy tasýshylar sany kúrt kóbeigen. Sonyń saldarynan 35 adam ákimshilik jaýapqa tartylyp, aiyppul salynǵan edi.
Aqmola oblystyq politsiia departamenti bul jolǵy máseleni Ekologiia ministrligine joldaǵan. Biraq ministrlik quqyqbuzýshylyq týraly naqty málimet joq ekenin alǵa tartyp, qujatty keri qaitardy.
"Ekologiia departamentinde jedel tergeý júrgizetin quzyret bolmaǵandyqtan jáne quqyqbuzýshylardyń jeke derekteri kórsetilmegendikten, bul is materialdary 1 tamyz kúni politsiiaǵa qaita jiberildi. Sonymen qatar, 1-2 tamyz kúnderi Ereimentaý aýdandyq ákimdigi kól aýmaǵynda turǵyndar arasynda túsindirý jumystaryn júrgizip, quqyqbuzýshylyqtyń aldyn alý boiynsha kezekti reidter ótkizdi", – dep málimdedi Ekologiia ministrliginiń baspasóz qyzmeti.
