AQSh prezidenti Donald Tramp Reseimen iadrolyq qaqtyǵysqa túsýge tolyq daiyn ekenin málimdedi. Mundai qatań ustanymǵa Resei Qaýipsizdik keńesi tóraǵasynyń orynbasary Dmitrii Medvedevtiń agressivti málimdemeleri sebep bolǵan, dep habarlaidy Dalanews.kz.
Tramp bul málimdemesin 1 tamyzda jýrnalister aldynda jasady.
"Ol iadrolyq qarý týraly aityp otyr. Mundai taqyryp qozǵalǵan kezde biz kez kelgen jaǵdaiǵa daiyn bolýymyz kerek. Biz tolyǵymen daiynbyz", – dedi Tramp.
Amerika prezidentiniń aitýynsha, 1 tamyzda keshke iadrolyq eki súńgýir qaiyqty "tiisti aimaqtarǵa" jiberýge buiryq bergen. Bul sheshimdi ol Medvedevtiń "oilanbai aitylǵan ári arandatýshy sózderine" jaýap retinde qabyldaǵanyn jetkizdi.
Eske salaiyq, buǵan deiin Dmitrii Medvedev Telegram-arnasynda AQSh-tyń Reseige qarsy sanktsiialary týraly ýltimatýmyna qatqyl túrde jaýap bergen bolatyn. AQSh Ýkrainadaǵy ahýaldy retteý boiynsha ilgerileýshilik bolmaǵan jaǵdaida Resei men onyń saýda seriktesterine qosymsha sanktsiialar salatynyn málimdegen edi.
Tramp buǵan jaýap retinde Medvedevke "aitatyn sózin abailap tańdaý kerek ekenin" eskertip, ony "óte qaýipti baǵytqa bet aldy" dep aiyptady.
