اقش پرەزيدەنتٸ دونالد ترامپ رەسەيمەن يادرولىق قاقتىعىسقا تٷسۋگە تولىق دايىن ەكەنٸن مەلٸمدەدٸ. مۇنداي قاتاڭ ۇستانىمعا رەسەي قاۋٸپسٸزدٸك كەڭەسٸ تٶراعاسىنىڭ ورىنباسارى دميتريي مەدۆەدەۆتٸڭ اگرەسسيۆتٸ مەلٸمدەمەلەرٸ سەبەپ بولعان, دەپ حابارلايدى Dalanews.kz.
ترامپ بۇل مەلٸمدەمەسٸن 1 تامىزدا جۋرناليستەر الدىندا جاسادى.
"ول يادرولىق قارۋ تۋرالى ايتىپ وتىر. مۇنداي تاقىرىپ قوزعالعان كەزدە بٸز كەز كەلگەن جاعدايعا دايىن بولۋىمىز كەرەك. بٸز تولىعىمەن دايىنبىز", – دەدٸ ترامپ.
امەريكا پرەزيدەنتٸنٸڭ ايتۋىنشا, 1 تامىزدا كەشكە يادرولىق ەكٸ سٷڭگۋٸر قايىقتى "تيٸستٸ ايماقتارعا" جٸبەرۋگە بۇيرىق بەرگەن. بۇل شەشٸمدٸ ول مەدۆەدەۆتٸڭ "ويلانباي ايتىلعان ەرٸ ارانداتۋشى سٶزدەرٸنە" جاۋاپ رەتٸندە قابىلداعانىن جەتكٸزدٸ.
ەسكە سالايىق, بۇعان دەيٸن دميتريي مەدۆەدەۆ Telegram-ارناسىندا اقش-تىڭ رەسەيگە قارسى سانكتسييالارى تۋرالى ۋلتيماتۋمىنا قاتقىل تٷردە جاۋاپ بەرگەن بولاتىن. اقش ۋكرايناداعى احۋالدى رەتتەۋ بويىنشا ٸلگەرٸلەۋشٸلٸك بولماعان جاعدايدا رەسەي مەن ونىڭ ساۋدا سەرٸكتەستەرٸنە قوسىمشا سانكتسييالار سالاتىنىن مەلٸمدەگەن ەدٸ.
ترامپ بۇعان جاۋاپ رەتٸندە مەدۆەدەۆكە "ايتاتىن سٶزٸن ابايلاپ تاڭداۋ كەرەك ەكەنٸن" ەسكەرتٸپ, ونى "ٶتە قاۋٸپتٸ باعىتقا بەت الدى" دەپ ايىپتادى.
