Áleýmettik jeli qoldanýshylaryn taǵy bir erekshe video súisintti. Kadrda qazaq tilin erkin meńgergen, tipti turmystyq deńgeide, oiyn arasynda qazaq tilinde sóilesken orys balalary kórinedi, dep habarlaidy Dalanews.kz.
Video áleýmettik jelilerde keńinen tarap ketti. Degenmen qai óńirde túsirilgeni naqty kórsetilmegen. Keibireýler videodaǵy dialektilerge qarap, batys óńirinde túsirilgen bolýy múmkin ekenin aitty.
Kadrlarda ata-anasy da balalarmen qazaq tilinde sóileskeni baiqalady. Jeli qoldanýshylary qazaq tilinde erkin sóilegen balalardyń videosyna bei-jai qaramai, túrli pikir jazǵan:
"Bizdiń ózge tilde sairap, óz tilinde tilin shainaityndarǵa kúnige kórsetetin eken...", "Qazaq synybyna bergen orys balalary ǵoi", "Sary shashty altyn qyzdarymyz. Jai ǵana qazaqsha sóilep qana qoimai, daýys yrǵaǵymen, kerek sózderdi durys qoldanyp, áńgimeniń dámin kirgizip aitady eken!", "Ata-anasynyń aqyly bar eken, demek balalary úshin bolashaqtaryn oilaǵan", "Keleshekte naǵyz qazaqtar osylar bolady. Eger bul sary balaqailar úlkeigende qazaqsha sóilep tursa, óz tilin bilmeitin máńgúrt qazaqtar bálkim betteri qyzaratyn bolar, kim biledi, olardyń betteri qalyńdap ketse uialmaityn da shyǵar", - dedi olar.
Kei sarapshylar bul qubylysty eldegi til saiasatynyń birtindep nátije bere bastaǵanynyń belgisi dep te baǵalaidy.
Mektepterde qazaq tiline basymdyq berilýi, qazaq tildi kontenttiń artýy, sondai-aq, jastardyń kúndelikti ortada qazaqsha sóileitin dostary kóbeiýi – osynyń bári áser etpei qoimaidy.
Aita keteiik, áleýmettik jelilerde mundai videolar men jazbalar keń taralyp, oń pikirler jinap jatady.
