Memleket basshysy Qasym-Jomart Toqaev kólik salasynyń qyzmetkerlerin marapattady. Prezident eń aldymen, kólik salasy qyzmetkerlerin kásibi merekesimen quttyqtap, olardy elimizdiń damýyna eleýli úles qosyp jatqan naǵyz eńbek adamdary retinde atady.
– Memleket úshin kólik salasynyń strategiialyq mańyzy airyqsha. Bul – aiqyn nárse. Kólik júiesi – árbir eldiń damýynyń kórinisi. Onsyz ekonomikanyń alǵa basýy múmkin emes. Sondyqtan bul salaǵa biz asa mańyzdy basymdyq retinde qaraimyz. Kólik quraldary – ekonomikanyń qozǵaýshy kúshi, ósip-órkendeý kepili desek, artyq bolmaidy. Elimizdiń osy saladaǵy múmkindikteri mol, tipti, biregei deýge bolady, – dedi Qasym-Jomart Toqaev.
Saltanatty jiynda elimizdiń kólik salasyn damytýǵa, qatynas joldarynyń infraqurylymyn qalyptastyrýǵa jáne jańǵyrtýǵa qosqan eleýli úlesi úshin bir top azamat memlekettik nagradamen marapattaldy. Onyń qatarynda Túrkistan oblysynyń temir jol salasynda eńbek etip, talai jyl ter tókken qos birdei azamat ta bar.
Atap aitar bolsaq, «Qazaqstan temir joly» UK» AQ «Shymkent magistraldyq jeli bólimshesi» filialy Arys signalizatsiia jáne bailanys distantsiiasynyń bólimshe bastyǵy Almas Qonysov pen QTJ, «Júk tasymaly» JShS «JT Shymkent bólimshesi» filialy Túrkistan paidalaný lokomotiv deposynyń kezekshisi Jumaǵali Qantájiev «Eren eńbegi úshin» medalin ielendi.
