Taraz qalasynda jalǵan qujat arqyly ózin memlekettik qyzmetshi retinde tanystyryp, zańsyz túrde memlekettik turǵyn úı qorynan eki bólmeli páter alǵan áıeldiń áreketi áshkerelendi. Bul týraly Jambyl oblysy prokýratýrasynyń baspasóz qyzmeti málimdedi, dep habarlaıdy Dalanews.kz.
Tekseris barysynda Taraz qalasy ákimdiginiń turǵyn úı qatynastary bóliminde azamatsha S.-nyń jalǵan anyqtama arqyly memlekettik qordan páter alǵany anyqtalǵan. Kúdikti ózin memlekettik qyzmetker retinde kórsetip, "Uly Dala" yqshamaýdanynan eki bólmeli páter ıelengen.
Prokýratýranyń tapsyrmasymen júrgizilgen sot-qoltańba saraptamasy bul anyqtama jalǵan ekenin rastady. 2025 jyldyń 22 shildesinde Taraz qalasy polısıa basqarmasy bul derek boıynsha QR Qylmystyq kodeksiniń 190-baby 3-bóligi ("Alaıaqtyq") boıynsha qylmystyq isti tergeýdi bastady.
Qazir páterdi memleket menshigine qaıtarý jumystary júrgizilip jatyr. Qaıtarylǵan baspana turǵyn úı kezeginde turǵan muqtaj azamattarǵa berilmek.
