تاراز قالاسىندا جالعان قۇجات ارقىلى ٶزٸن مەملەكەتتٸك قىزمەتشٸ رەتٸندە تانىستىرىپ, زاڭسىز تٷردە مەملەكەتتٸك تۇرعىن ٷي قورىنان ەكٸ بٶلمەلٸ پەتەر العان ەيەلدٸڭ ەرەكەتٸ ەشكەرەلەندٸ. بۇل تۋرالى جامبىل وبلىسى پروكۋراتۋراسىنىڭ باسپاسٶز قىزمەتٸ مەلٸمدەدٸ, دەپ حابارلايدى Dalanews.kz.
تەكسەرٸس بارىسىندا تاراز قالاسى ەكٸمدٸگٸنٸڭ تۇرعىن ٷي قاتىناستارى بٶلٸمٸندە ازاماتشا س.-نىڭ جالعان انىقتاما ارقىلى مەملەكەتتٸك قوردان پەتەر العانى انىقتالعان. كٷدٸكتٸ ٶزٸن مەملەكەتتٸك قىزمەتكەر رەتٸندە كٶرسەتٸپ, "ۇلى دالا" ىقشاماۋدانىنان ەكٸ بٶلمەلٸ پەتەر يەلەنگەن.
پروكۋراتۋرانىڭ تاپسىرماسىمەن جٷرگٸزٸلگەن سوت-قولتاڭبا ساراپتاماسى بۇل انىقتاما جالعان ەكەنٸن راستادى. 2025 جىلدىڭ 22 شٸلدەسٸندە تاراز قالاسى پوليتسييا باسقارماسى بۇل دەرەك بويىنشا قر قىلمىستىق كودەكسٸنٸڭ 190-بابى 3-بٶلٸگٸ ("الاياقتىق") بويىنشا قىلمىستىق ٸستٸ تەرگەۋدٸ باستادى.
قازٸر پەتەردٸ مەملەكەت مەنشٸگٸنە قايتارۋ جۇمىستارى جٷرگٸزٸلٸپ جاتىر. قايتارىلعان باسپانا تۇرعىن ٷي كەزەگٸندە تۇرعان مۇقتاج ازاماتتارعا بەرٸلمەك.
