Ulttyq qaýipsizdik komıteti sybaılas jemqorlyqqa qarsy qyzmetti qaıta qurylymdaǵannan keıingi bir aıdyń ishinde 17 qylmystyq is qozǵaǵan. Bul Prezıdent Qasym-Jomart Toqaevtyń sybaılas jemqorlyqpen kúresti kúsheıtý tapsyrmasynan keıin qolǵa alynyp otyr. Bul týraly komıtettiń baspasóz qyzmeti málimdedi, dep habarlaıdy Dalanews.kz.
Ulttyq qaýipsizdik komıtetiniń málimetinshe, shildede tirkelgen 17 qylmystyq is boıynsha mynadaı aıyptar taǵylǵan:
- Bılikti nemese qyzmettik ókilettigin asyra paıdalaný (QR QK 362-baby) – 3 fakt;
- Para alý (366-bap) – 5 fakt;
- Para berý (367-bap) – 4 fakt;
- Alaıaqtyq (190-bap) – 2 fakt;
- Jeke ómirge qol suǵý jáne derbes derekter týraly zańnamany buzý (147-bap) – 1 fakt;
- Qyzmettik ókilettikti teris paıdalaný (361-bap) – 1 fakt;
- Zańsyz kásipkerlikpen aınalysý (364-bap) – 1 fakt.
Osy ýaqyt ishinde sotqa 16 qylmystyq is joldanǵan. Olar mynadaı baptar boıynsha qaralady:
- Senip tapsyrylǵan múlikti ıemdený nemese talan-tarajǵa salý (189-bap) – 1 is;
- Alaıaqtyq (190-bap) – 6 is;
- Aqparatty zańsyz joıý nemese ózgertý (206-bap) – 1 is;
- Qylmystyq jolmen alynǵan aqshany zańdastyrý (218-bap) – 1 is;
- Qyzmettik ókilettikti teris paıdalaný (361-bap) – 1 is;
- Para alý (366-bap) – 2 is;
- Para berý (367-bap) – 3 is;
- Qylmystyq quqyq buzýshylyqty jasyrý (433-bap) – 1 is.
"Aıaqtalǵan ister boıynsha memleketke keltirilgen shyǵyn, ıaǵnı 113,6 mln teńge óteldi. Qosymsha 619,1 mln teńge turatyn múlikke tyıym salyndy. Sybaılas jemqorlyq derekteri týraly aqparat bergen eki azamatqa 471,84 myń teńge syıaqy berildi. Bul baǵyttaǵy jumystar ári qaraı jalǵasady", – delingen UQK habarlamasynda.
