Ulytaý oblysynda bir rettik qarajat balalardy mektepke daiyndaý maqsatynda halyqtyń áleýmettik osal top sanatyndaǵy oqýshylarǵa kiim keshek, keńse taýarlaryn satyp alý úshin tamyz aiynan bastap tólene bastaidy.
Sonymen qatar, 1 tamyzdan bastap, az qamtylǵan jáne kóp balaly otbasylar qataryndaǵy oqýshylarǵa, jetim balalar men ata-anasynyń qamqorlyǵynsyz qalǵan balalarǵa oqý jylynyń bastalýyna daiyndyq kezeńinde kómek kórsetý maqsatynda dástúrli «Mektepke jol» respýblikalyq aktsiiasy bastalady.
Jańa oqý jylyna daiyndyq retinde biyl oblystyń 7 mektebinde kúrdeli, 2 bilim oshaǵynda aǵymdaǵy jóndeý jumystary atqarylyp jatyr. Oǵan qosa, 24 mektep 28 pándik kabinetterimen onyń ishinde fizika – 6, himiia – 6, biologiia – 5, STEM – 6, robototehnika – 5 qamtamasyz etilýde.
Jylytý maýsymdyǵyna daiyndyq kezeńiniń jylý júiesindegi qysymdy qorytyndy synaý kezeńinen 100% ótkizilgen. Jylytý qazandyqtaryna otyn satyp alý jáne jetkizý boiynsha memlekettik satyp alý portalynda 63% mekeme kelisim-shart jasasty, 33% konkýrstyń nátijesi endi belgili bolmaq.
Aita keteiik, Ulytaý oblysyndaǵy bilim berý uiymdary 1 sáýirden bastap 31 tamyzǵa deiin 1 synypqa qujattar qabyldap jatyr. Boljam boiynsha 1 synypqa 4393 bala mektep tabaldyryǵyn attaǵaly otyr. Búgingi tańda 3112 (71%) oqýshy 1-synypqa qabyldandy. Onyń ishinde 2615 (84%) bala qazaq synyptarynda qabyldandy.
