Almatydaǵy Ile-Alataýy Ulttyq parki aýmaǵynda «Baqyt soqpaqtary» jobasy aiasynda jańa abattandyrylǵan taý marshrýty men Qazaqstandaǵy eń biik aspaly kópir ashyldy. Elimizdegi erekshe marshrýt pen kópir búgin Ulttyq park aýmaǵyna barǵan BAQ ókilderine tanystyryldy, dep habarlaidy Dalanews.kz.
Taý baǵyty men kópirli BI Group kompaniiasy óziniń 30 jyldyǵyna orai Almatynyń tanymal taý baǵyttaryn abattandyrýǵa arnalǵan «Baqyt joldary» bastamasy aiasynda syiǵa tartqan.
Abattandyrylǵan taý marshrýty Prohodnoe shatqaly arqyly Terra alańyna jáne Alioshkin kópirinen 3330 metr biiktikte ornalasqan Kosmostantsiiaǵa deiin jalǵasady. Bul – jaiaý serýendeýdi unatatyndar arasynda keń taralǵan baǵyttardyń biri. Marshrýttyń jalpy uzyndyǵy – 13,5 km, biiktik aiyrmashylyǵy – shamamen 1580 metr. Jobanyń úshinshi kezeńine salynǵan investitsiia kólemi – 106 mln teńge.
Joba aiasynda salynyp, simvolyna ainalǵan Alioshkin kópiri – Qazaqstandaǵy eń biik aspaly kópirlerdiń biri. Uzyndyǵy – 50 metr, al teńiz deńgeiinen biiktigi – 3000 metrden asady. Joba aiasynda budan bólek eki ekodájethana (Ecodomeo), úsh aǵash besedka-shale, 14 oryndyq, 80 metr qaýipsizdik qorshaýy, 6 baǵyttaýshy jáne 4 aqparattyq karta ornatylǵan.
Kompaniia ókilderiniń aitýynsha «Baqyt joldary» jalǵasyn tabady. Onyń aiasynda 2026 jyly uzyndyǵy 17 shm bolatyn Býtakov shatqalyndaǵy 4 marshrýtty, 2027 jyly 11 shm bolatyn «Japon joly – ekopost» baǵyttaryn abattandyrý josparlanýda. Barlyq baǵyttar infraqurylymmen jabdyqtalady. Bul baǵytqa 335 mln teńge investitsiia baǵyttylmaq. Sonymen qatar 100 mln teńge investitsiia bólip, GPS-trektermen onlain kartalardy, tirkeý júiesin, TJD-ǵa avtomatty habarlaýdy jáne qaýipsizdik nusqaýlaryn qamtityn tsifrlyq júie jasap, Almaty ákimdigine berilmek.
2019 jyldan beri «Baqyt joldary» jobasy aiasynda 27 shm soqpaq abattandyryldy, bes marshrýt ashyldy, 10 jappa, 56 oryndyq, 30 kórsetkish jáne karta, 600 metrlik baspaldaq pen tutqa, 14 aqparattyq panel ornatylǵan. Jalpy investitsiia kólemi shamamen 1 million AQSh dollaryn (360 million teńge) quraǵan.
Bul joba nelikten mańyzdy degen suraqqa jaýap bergen kompaniia ókilderiniń aitýynsha jyl saiyn Almaty taýlaryna myńdaǵan adam jaiaý serýendeýge keledi. Biraq keibir baǵyttar qaýipsiz emes – sońǵy 5 jylda 260-tan astam qutqarý operatsiiasy júrgizilgen. Sondyqtan «Baqyt joldary» jobasy qaýipsizdikti, jailylyqty jáne ekologiialyq sheshimderdi ushtastyra otyryp, bul jaǵdaidy ózgertýdi kózdeidi.
