Astanada aýqymdy kúzgi "Taza Qazaqstan" ekologiialyq ailyǵy ótip jatyr. Onyń aiasynda elordanyń barlyq aýdanynda qala aýmaǵyn sanitarlyq tazartý, abattandyrý jáne kógaldandyrý boiynsha is-sharalar ótip jatyr. Ekologiialyq is-sharalarǵa turǵyndar, jastar, memlekettik organdar men qoǵamdyq uiymdardyń ókilderi belsendi qatysyp, PIK pen MIB te jumyldyryldy, dep habarlaidy dalanews.kz.
Elordanyń barlyq aýdanynda qatysýshylar saiabaqtar, gúlzarlar, turǵyn úilerdiń aýlalary, qoǵamdyq keńistikter men uiymdardyń mańyndaǵy aýmaqtardy retke keltirýde.
Ailyq aiasynda qoqys jinalyp, arnaiy orynǵa shyǵarylady, qala aýmaǵy sanitarlyq tazalanady, abattandyrý jumysy júrgizilip, jasyl jelekke kútim jasalady jáne aǵashtar otyrǵyzylady.
Qoǵamdyq keńistikterde, aýlalarda jáne qala turǵyndary kóp júretin oryndarda tazalyqty saqtaýǵa erekshe kóńil bólinedi. Jumys keshendi túrde júrgizilip, qala infraqurylymynyń túrli tustaryn qamtidy.
Eske salaiyq, kúzgi ekologiialyq ailyq 12 qyrkúiekte bastaldy jáne Astananyń barlyq aýdanynda ótedi. Bir ai ishinde qalany sanitarlyq tazartý, aýlalar men qoǵamdyq keńistikterdi abattandyrý, kógaldandyrý jáne qala aýmaǵyn retke keltirý boiynsha birqatar is-shara ótkizý josparlanǵan.
Ekologiialyq is-sharalarǵa kez kelgen niet bildirýshi qatysa alady. Ailyqty ótkizý elordanyń sanitarlyq jáne ekologiialyq jaǵdaiyn jaqsartýǵa, sondai-aq qorshaǵan ortaǵa uqypty qaraý mádenieti men qala tazalyǵyna jaýapkershilikti qalyptastyrýǵa baǵyttalǵan. Astanany abattandyrý jáne kógaldandyrý jumysy júrip jatyr.
