Daniiar Eleýsinov Almaty áýejaiyndaǵy oqiǵadan keiin 10 táýlikke qamaldy, dep habarlaidy dalanews.kz Tengrinews.kz-ke siltep.
Basylym málimetinshe, meditsinalyq tekseris nátijesinde elordanyń 35 jastaǵy turǵyny jeńil dárejede mas bolǵany anyqtalǵan. Tekseris qorytyndysy boiynsha ol Ákimshilik quqyqbuzýshylyq týraly kodekstiń birden bes baby boiynsha jaýapqa tartylǵan. Qoǵamdyq orynda mas kúide júrgeni, tyiym salynǵan jerde temeki shekkeni, ushý qaýipsizdigi talaptaryn jáne áýe kemesindegi tártip erejelerin buzǵany, sondai-aq, usaq buzaqylyq jasaǵany úshin ákimshilik jaza taǵaiyndalǵan.
Sot sheshimimen er adam 10 táýlikke ákimshilik qamaýǵa alynǵan.
Eske salaiyq, buǵan deiin Almaty áýejaiynda Olimpiada chempiony Daniiar Eleýsinov ushaqqa otyrǵannan keiin Astanaǵa ushýdan bas tartqany, áýe kemesinen óz betimen shyǵyp ketkeni habarlandy. Aviatsiialyq qaýipsizdik talaptaryna sáikes qalǵan jolaýshylar da ushaqtan túsirilgen. Olardyń bagajy qaita tekserilip, áýe kemesine qosymsha tekseris júrgizilgen.
FlyArystan áýe kompaniiasynyń reisi Astanaǵa úsh saǵatqa keshigip jetken.
