Memleket basshysynyń ókimimen Qazaqstan Respýblikasynyń Qorǵanys ministrligindegi isterdiń jai-kúiine keshendi tekseris júrgizý jónindegi komissiia quryldy, dep habarlaidy dalanews.kz.
Sonyń ishinde áskeri qurylymdardy qarjylyq jáne materialdyq-tehnikalyq qamtamasyz etý salasyndaǵy jaǵdaiǵa keshendi tekseris júrgizý maqsatynda myna quramda komissiia qurylǵan:
- Balaeva Aida Ǵalymqyzy – Qazaqstan Respýblikasy Qaýipsizdik Keńesi tóraǵasynyń orynbasary, komissiia tóraǵasy;
- Smaiylov Álihan Ashanuly – Qazaqstan Respýblikasy Joǵary aýditorlyq palatasynyń tóraǵasy, komissiia tóraǵasynyń orynbasary;
- Jienbaev Erjan Nurlanuly – Qazaqstan Respýblikasy Prezidenti ákimshiligi basshysynyń orynbasary;
- Elimanov Janat Qaldybekuly – Qazaqstan Respýblikasy Qarjylyq monitoring agenttiginiń tóraǵasy;
- Baimuqashev Murat Qalibekuly – Qazaqstan Respýblikasy Qaýipsizdik Keńesi apparatynyń basshysy;
- Tákiev Mádi Tókeshuly – Qazaqstan Respýblikasynyń qarjy ministri;
- Ómiráliev Jandos Jánibekuly – Qazaqstan Respýblikasy Bas prokýrorynyń birinshi orynbasary;
- Altynbaev Áli Saparǵaliuly – Qazaqstan Respýblikasy Ulttyq qaýipsizdik komiteti tóraǵasynyń birinshi orynbasary;
- Ámrin Azamat Kemeńgeruly – Qazaqstan Respýblikasynyń ulttyq ekonomika birinshi vitse-ministri.
"Komissiia júrgizilgen jumystyń alǵashqy nátijeleri týraly jeti kún ishinde baiandasyn", - dep jazylǵan ókimde.
