Pan Gi Mýn QazUÝ-ge senedi
«START» akademiialyq yqpaldylyq baǵdarlamasynyń iske qosylýyna orai BUU-nyń Shtab páterinde ótken Halyqaralyq forým Qazaqstannan berilgen tikelei videotransliatsiiadan bastaldy. Ál-Farabi atyndaǵy Qazaq ulttyq ýniversitetiniń rektory, akademik Ǵalym Mutanov turaqty damý boiynsha uiymdastyrylǵan jobada birinshi bolyp sóz sóiledi. Búgingi tańda ikemdilik pen tehnologiianyń damý mańyzdylyǵyn atap, BUU-nyń turaqty damý baǵdarlamasyna, onyń ishinde, BUU-nyń Bas assambleiasy qabyldaǵan «Álemniń jandanýy: 2030 jylǵa deiingi turaqty damýdyń kún tártibi» qujatyna basa nazar aýdardy. BUU-nyń halyqaralyq haby, IýNESKO-nyń turaqty damý boiynsha aimaqtyq haby sanalatyn QazUÝ-dyń tájiribesin Stenford, Kembridj, Oksford ýniversitetteri, Singapýrdyń ulttyq institýty sekildi 30-dan asa álemniń kóshbasshy joǵary oqý oryndarynyń basshylary zerttep jatyr.
Ál-Farabi atyndaǵy Qazaq ulttyq ýniversitetiniń birinshi prorektory Muhambetqali Búrkitbaev atap ótkenindei: «START» abbreviatýrasy aǵylshyn tilinen aýdarǵanda: Ǵylym, qabilet pen tehnologiialar álemdi tez ózgertedi degen maǵyna beredi. Pan Gi Mýnnyń bastamasymen qurylǵan akademiialyq yqpaldylyq baǵdarlamasy BUU qarastyratyn ózekti máselelerdi sheshý úshin ýniversitetterdiń ziiatkerlik múmkindikterin paidalanýdy kózdeidi. Uiymnyń bas hatshysy QazUÝ-dy hab bolyp taǵaiyndalǵanymen quttyqtap, ýniversitet ózin halyqaralyq dárejede kórsetetinine senim bildirdi».
Osyǵan orai, álemniń úzdik joǵary oqý oryndary Qazaqstanǵa erekshe nazar aýdaryp otyr. Sebebi, BUU sarapshylary men ǵylymi álem dál bizdiń elde innovatsiialyq damýdyń joǵary tehnologiialyq múmkindikterin ashýda. Ál-Farabi atyndaǵy Qazaq ulttyq ýniversiteti áriptestiktiń halyqaralyq deńgeiine kóterilip, sol arqyly barlyq qazaqstandyq bilim berý júiesiniń básekege qabilettiligin arttyrýda.
«Biz ýniversitettiń ǵylymi-aǵartýshylyq qyzmetiniń bir dáleli retinde ál-Farabi atyndaǵy Qazaq ulttyq ýniversitetinde ashylǵan, joǵary bilim berý júiesindegi alǵashqy radiatsiialyq ekologiia laboratoriiasyn mysalǵa keltirdik. Búginde laboratoriia barlyq jasandy jáne tabiǵi radionýkleidterge saraptama jasaýǵa qaýqarly», - dep atap ótti Muhambetqali Búrkitbaev.
Biyl ál-Farabi atyndaǵy Qazaq ulttyq ýniversitetinde aǵylshyn tilinde bilim beretin «Turaqty damý» magistrlik baǵdarlamasy ashyldy. Baǵdarlamanyń negizgi seriktesi Kolýmbiialyq Niý-Iork ýniversiteti. Aldaǵy ýaqytta jańa tehnologiialarmen jáne ǵylymi zertteý jumystarymen Eýraziialyq ortalyq ashý josparda bar.
QazUÝ Baspasóz qyzmeti
