Alaiaqtar almatylyq kásipker Májit Ómirhannyń qolastyndaǵy adamdardy aldap, artynsha aqshasyn qaitaryp bergen, dep habarlaidy Dalanews.kz.
Kásipker Májit Ómirhan áleýmettik jelide erekshe jaǵdaimen bólisti. Onyń aitýynsha, alaiaqtar onyń atynan feik paraqsha ashyp, qyzmetkerlerinen aqsha suraǵan. Alaiaq keiin sol qarajatty óz erkimen qaitaryp bergen.
"Meniń sýretimdi paidalanyp, feik paraqsha ashqan. Sosyn filialdardaǵy administratorlarǵa jazyp, "meniń limitim bitip qaldy, aqshany myna jerge aýdaryńdarshy" depti. Bes filialdyń ekeýinde jumys isteitin qyzdar shynymen 300 myń teńge jibergen, meni kómektesip jatyrmyz dep oilap", - deidi kásipker.
Kásipker bul týraly bilgen soń dereý jalpy chatqa habarlama jibergen.
"Bul men emes. Eshkim eshkimge aqsha aýdarmańdar", – dep jazdym", - deidi ol.
Alaiaqtyń áreketine ashýlanǵan qyzdar keiin kózderine jas alyp, alaiaqqa hat jazyp jibergen.
"Eger bul aqshany sen alǵan bolsań, ol saǵan qýanysh emes, emdelýge jumsalsyn", – degen saryndaǵy aýyr sózder jazypty.
Biraq kútpegen jaǵdai bolǵan: birshama ýaqyt ótken soń alaiaq barlyq 300 myń teńgeni qaitaryp bergen.
"Kórer kózge birinshi ret osyndai "jaqsy" alaiaq kezdestirdim", – dep jazdy Májit Ómirhan ázilmen.
