Atyraý oblysynda sot jergilikti turǵynǵa qatysty balaǵa zorlyq jasap, qasaqana óltirdi dep aiyptalǵan qylmystyq isti qarady, dep habarlaidy Dalanews.kz.sottyń baspasóz qyzmetine silteme jasap.
Qylmys 2025 jyldyń maýsym aiynda Qulsary qalasynda jasalǵan. Sottyń anyqtaýynsha, 7 jastaǵy qyz bala Kýrsai ózeniniń jaǵasynda serýendep júrip, úiine qaitar jolda adasyp ketken. Sol sátte ol mas kúiinde júrgen jergilikti turǵynǵa tap bolady. Bógde adam qyzdy aldap, úiińe aparamyn dep sendirip, ózimen birge júrýge kóndirgen.
«Ol qyz balany aldap, ózen jaǵasyna ertip barǵan. Sol jerde onyń dármensiz kúiin paidalanyp, kúsh qoldanyp zorlaǵan. Jasalǵan qylmysty jasyrý maqsatynda, aiyptalýshy balany uryp- soǵyp, keiin ózenge batyryp jibergen»,- dep habarlady sotta.
Aiyptalýshynyń kinási kýágerlerdiń kórsetýlerimen, oqiǵa bolǵan jerdi qaraý hattamasymen, beinejazbalarmen jáne saraptama qorytyndylarymen tolyq dáleldendi. Atap aitqanda, beinejazbalardyń birinde aiyptalýshynyń balany ertip bara jatqany anyq kórinedi.
Sot ony kináli dep tanyp, ómir boiy bas bostandyǵynan aiyrdy.
