Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Ordabasy aýdanynda «Elektrondy úkimet» tiimdiligi túsindirildi

Dalanews
Ordabasy aýdanynda «Elektrondy úkimet» tiimdiligi túsindirildi
«Elektrondy úkimet» veb-portalynda elektrondy qyzmetterdi paidalaný jáne ETsQ alý tártibin túsindirý úshin aýdandyq Halyqqa qyzmet kórsetý ortalyǵynyń basshysy E.Bólebai men Ordabasy aýdany ákimi apparatynyń aqparattyq qaýipsizdikti qamtamasyz etý jáne memlekettik qyzmet kórsetý monitoringi bóliminiń basshysy N.Omarov aýyl turǵyndarymen kezdesip, jiyn ótkizdi. Túsindirý sharalary 10 aýyl okrýginde de uiymdastyryldy.

Búginde Qazaqstanda elektrondy úkimetti qalyptastyrýdyń naqty nátijeleri qyzmet túrin tutynýshylarǵa ýaqyt únemdeýge, keibir jaǵdailarda jolaqysyna jumsalatyn qarajat únemdeýge múmkindik týǵyzyp otyr. Memlekettik qyzmetshi tarapynan bolatyn yqtimal sybailastyq, dórekilik, qarymta aqy suraý syndy keleńsizdikterdiń jolyn bógeýge septigin tigizip, qyzmet kórsetý úderisin birshama jeńildetip otyrǵandyǵy da aidan anyq. Osy kúni jetildirilip, jańa sapalyq deńgeige kóterilgen qyzmetterge «Elektrondyq Úkimet» baǵdarlamasynyń aiasynda birqatar sharalar júzege asyrylýda.

At aryltyp, mekemelerdiń tabaldyryǵyn tozdyratyn zaman ótti. Endigi kezekte, kez kelgen azamat óz úiinde internet arqyly qajetti anyqtamany aldyrýǵa múmkindigi bar. Áitse de, atalǵan qyzmet túrin internet júiesi arqyly paidalaný úshin tutynýshy mindetti elektrondyq qujatqa qol jetkizýi kerek.

«Elektrondyq úkimet» (e-Government) termini barlyq memlekettik organdardyń basyn biriktirip, olarǵa internettiń, elektrondy terminaldardyń nemese tipti uialy telefondardyń kómegimen turǵyndarǵa qyzmet kórsetýge múmkindik beretin birtutas júiesi bolyp tabylady. Baǵdarlamanyń jeke tulǵalarǵa ǵana emes, zańdy tulǵalar men kásipkerlerge de qatysy bar.Elektrondyq qujat degenimiz árbir elektrondy qyzmet túrin tutynýshynyń internet júiesine tirkelip, jeke elektrondyq kilt alyp, elektrondyq qoltańbasyn tirkeýi bolyp tabylady. Elektrondy kilt alý úshin jeke tulǵa óziniń jeke kýáligimen qyzmet kórsetý ortalyǵyna kelip, suranym berýi kerek.
Elektrondy úkimet Ordabasy aýdany N.Omarov E.Bólebai Madina Sádýaqasova

Oqi otyryńyz