Jetisý oblysynda meditsinalyq qaldyqtardy joiý kezinde birqatar zań buzýshylyqtar anyqtaldy, dep habarlaidy Dalanews.kz.
Prokýratýra málimetinshe, litsenziiasy joq merdigerlerge qaýipti qaldyqtardy qaita óńdeý, zalalsyzdandyrý jáne kádege jaratý boiynsha kelisimsharttar jasalǵan 8 derek tirkelgen.
Zań boiynsha, G sanatyndaǵy meditsinalyq qaldyqtar asa qaýipti bolyp sanalady jáne olardyń joiylýy mindetti túrde litsenziiasy bar kásiporyndarda júrgizilýi tiis. Bul talapty saqtamaý halyq densaýlyǵyna jáne qorshaǵan ortaǵa tikelei qaýip tóndiredi.
Tabiǵat qorǵaý prokýratýrasynyń qadaǵalaý aktileri negizinde tártip buzǵan merdigerlerge 2 mln teńgeden astam aiyppul salyndy. Sonymen qatar, tapsyrys berýshi mekemelerdiń 8 jaýapty qyzmetkeri tártiptik jaýapkershilikke tartyldy.
