Memleket basshysy Qasym-Jomart Toqaev AQSh Kongresiniń senatory Stiv Deinsti qabyldap, ekijaqty yntymaqtastyqtyń qazirgi jai-kúii men ony odan ári damytý máselelerin talqylady, dep habarlaidy dalanews.kz.
Kezdesý barysynda Prezident senatordy AQSh táýelsizdiginiń 250 jyldyǵymen quttyqtap, Qazaqstan men Amerika Qurama Shtattary arasyndaǵy saýda-ekonomikalyq jáne investitsiialyq yntymaqtastyqtyń qarqyndy damyp kele jatqanyn atap ótti.
Qasym-Jomart Toqaev ótken jyldyń qarasha aiynda AQSh-qa jasaǵan sapary kezinde qol jetkizilgen kelisimderdi sapaly iske asyrýdyń mańyzyn aitty. Sondai-aq Memleket basshysy jyl sońynda Maiamide ótetin G20 sammitine qatysý úshin AQSh-qa josparlanǵan sapary barysynda ekijaqty seriktestikti odan ári tereńdetýge daiyn ekenin jetkizdi.
Prezident Qazaqstan men AQSh arasyndaǵy keńeitilgen strategiialyq áriptestikti nyǵaitýǵa qosqan úlesi jáne Djekson–Venik túzetýiniń kúshin joiý jónindegi zańnamalyq bastamany qoldaǵany úshin Stiv Deinske alǵys aitty.
Óz kezeginde AQSh senatory Qasym-Jomart Toqaevqa AQSh Prezidenti Donald Tramptyń jyly lebizi men izgi tilegin jetkizdi.
Stiv Deins Qazaqstannyń jańa Konstitýtsiia qabyldaýyn erekshe atap ótip, Prezidentti aýqymdy saiasi reformalardyń tabysty júzege asýymen quttyqtady. Onyń pikirinshe, jańa Negizgi zańda bekitilgen qaǵidattar men qundylyqtar Qazaqstannyń odan ári jańǵyrýyna jáne qýatty memleket retinde damýyna berik negiz qalaidy.
Kezdesý sońynda taraptar halyqaralyq jáne óńirlik kún tártibindegi ózekti máseleler boiynsha pikir almasty.
