Almaty irgesindegi sý qoımasy jekemenshikten memleketke qaıtaryldy, - dep habarlaıdy Dalanews.kz.
2017 jyly "Voroshılovskoe" sý qoımasy 49 jylǵa satyp alý quqyǵynsyz senimgerlik basqarýǵa jeke kásipkerge berilgen. 2021 jyly jeke kásipker qaıtys bolǵannan keıin sý qoımasyn basqarý quqyǵy qosymsha kelisim negizinde murager retinde onyń jesirine ótken. Alaıda basqarý kelisimi men bıznes-jospar talaptarynyń nashar oryndalýy, tıisti baqylaýdyń bolmaýy jáne tıimsiz basqarý saldarynan 2024 jyly sý qoımasynyń bas bógeti jarylyp, memleket menshigine edáýir shyǵyn ákelgen. Úlken aýmaqtar sýarýsyz qalǵan.
Kásipkerdiń áıeli Qarjy basqarmasynyń shaǵymdaryna durys jaýap bermegendikten, basqarma sotqa talap aryzben júginip, shartty jaramsyz dep tanýdy talap etken.
Almaty oblysynyń mamandandyrylǵan aýdanaralyq ekonomıkalyq soty isti qarap, kásipkerdiń qaıtys bolýy onymen jasalǵan senimgerlik basqarý shartyn buzýǵa negiz bola alatynyna kelisken.
Osylaısha memlekettiń zańdy múddesi qalpyna keltirilgen.
