الماتى ىرگەسىندەگى سۋ قويماسى جەكەمەنشىكتەن مەملەكەتكە قايتارىلدى، - دەپ حابارلايدى Dalanews.kz.
2017 جىلى "ۆوروشيلوۆسكوە" سۋ قويماسى 49 جىلعا ساتىپ الۋ قۇقىعىنسىز سەنىمگەرلىك باسقارۋعا جەكە كاسىپكەرگە بەرىلگەن. 2021 جىلى جەكە كاسىپكەر قايتىس بولعاننان كەيىن سۋ قويماسىن باسقارۋ قۇقىعى قوسىمشا كەلىسىم نەگىزىندە مۇراگەر رەتىندە ونىڭ جەسىرىنە وتكەن. الايدا باسقارۋ كەلىسىمى مەن بيزنەس-جوسپار تالاپتارىنىڭ ناشار ورىندالۋى، ءتيىستى باقىلاۋدىڭ بولماۋى جانە ءتيىمسىز باسقارۋ سالدارىنان 2024 جىلى سۋ قويماسىنىڭ باس بوگەتى جارىلىپ، مەملەكەت مەنشىگىنە ەداۋىر شىعىن اكەلگەن. ۇلكەن اۋماقتار سۋارۋسىز قالعان.
كاسىپكەردىڭ ايەلى قارجى باسقارماسىنىڭ شاعىمدارىنا دۇرىس جاۋاپ بەرمەگەندىكتەن، باسقارما سوتقا تالاپ ارىزبەن جۇگىنىپ، شارتتى جارامسىز دەپ تانۋدى تالاپ ەتكەن.
الماتى وبلىسىنىڭ مامانداندىرىلعان اۋدانارالىق ەكونوميكالىق سوتى ءىستى قاراپ، كاسىپكەردىڭ قايتىس بولۋى ونىمەن جاسالعان سەنىمگەرلىك باسقارۋ شارتىن بۇزۋعا نەگىز بولا الاتىنىنا كەلىسكەن.
وسىلايشا مەملەكەتتىڭ زاڭدى مۇددەسى قالپىنا كەلتىرىلگەن.
