Numbeo portalynyń statistikasy boiynsha Almaty Ortalyq Aziiadaǵy ómir súrý quny eń joǵary qala atandy, dep habarlaidy Dalanews.kz.
Maýsym aiynda portal álem qalalaryndaǵy ómir súrý qunyna qatysty derekterin jańartty. Baǵalaýda azyq-túlik, kólik, kommýnaldyq qyzmetter jáne basqa da negizgi qajettilikter eskerilgen.
Jazda eń qymbat qalalar tiziminde kósh bastaǵandar:
-
Tsiýrih (112,5 ball);
-
Jeneva (111,4);
-
Bazel (110,7);
-
Lozanna (110,5);
-
Lýgano (108,4);
-
Bern (103,4);
-
Niý-Iork (100);
-
Reikiavik (96,2);
-
Gonolýlý (94,4);
-
San-Frantsisko (90,7).
Qazaqstan qalalary tizimniń tómengi bóliginde ornalasqan: Almaty – 29,4 ball, Astana – 26,5 ball.
Salystyrý úshin:
Almaty men Astanadaǵy ómir súrý quny Máskeýge (45,2 ball, 230-oryn) jáne Erevanǵa (41,5 ball, 257-oryn) qaraǵanda tómen. Bul kórsetkishter boiynsha eki qala kórshiles astanalar – Bishkek (26,8) pen Tashkentpen (26,2), sondai-aq Minskpen (26,4) shamalas deńgeide. Alaida qazaqstandyq qalalar Ortalyq Aziiadaǵy kórshilerinen alǵa shyqty.
Eń arzan ómir súretin qalalar Úndistan men Pákistanda tirkelgen. Úzdik ondyqqa alty úndi, úsh pákistandyq jáne bir liviialyq qala kirdi.
Turǵyn úidi jaldaý quny boiynsha reiting (Ortalyq Aziia men EAEO aiasynda):
-
Máskeý – 39,2 ball;
-
Erevan – 31;
-
Almaty – 22,9;
-
Tashkent – 21,1;
-
Bishkek – 20,2;
-
Astana – 19,7;
-
Minsk – 19,5.
Mamandardyń aitýynsha, Qazaqstandaǵy ómir súrý quny damyǵan eldermen salystyrǵanda aitarlyqtai tómen. Bul sheteldikter men týrister úshin qoljetimdi shyǵyndar deńgeiin bildirse, jergilikti turǵyndar úshin tabys deńgeiiniń tómendigin kórsetedi.
Bul jerde jergilikti satyp alý qabileti indeksi de eskerilgen. Ol turǵyndardyń tabysyna qarai qansha taýar men qyzmet ala alatynyn kórsetedi. 2025 jyly Astanada bul kórsetkish 59,4 balǵa jetti (2020 jyly – 45,3). Almatyda bes jylda 36,3-ten 55,9 balǵa ósti. Bul qazaqstandyq qalalardyń Ortalyq Aziiadaǵy kórshilerinen asyp túsýine áser etti.
