ستاتيستيكا: الماتى – ورتالىق ازيياداعى ەڭ قىمبات قالا

Numbeo پورتالىنىڭ ستاتيستيكاسى بويىنشا الماتى ورتالىق ازيياداعى ٶمٸر سٷرۋ قۇنى ەڭ جوعارى قالا اتاندى, دەپ حابارلايدى Dalanews.kz.

ماۋسىم ايىندا پورتال ەلەم قالالارىنداعى ٶمٸر سٷرۋ قۇنىنا قاتىستى دەرەكتەرٸن جاڭارتتى. باعالاۋدا ازىق-تٷلٸك, كٶلٸك, كوممۋنالدىق قىزمەتتەر جەنە باسقا دا نەگٸزگٸ قاجەتتٸلٸكتەر ەسكەرٸلگەن.

جازدا ەڭ قىمبات قالالار تٸزٸمٸندە كٶش باستاعاندار:

• تسيۋريح (112,5 بالل);

• جەنەۆا (111,4);

• بازەل (110,7);

• لوزاننا (110,5);

• لۋگانو (108,4);

• بەرن (103,4);

• نيۋ-يورك (100);

• رەيكياۆيك (96,2);

• گونولۋلۋ (94,4);

• سان-فرانتسيسكو (90,7).

قازاقستان قالالارى تٸزٸمنٸڭ تٶمەنگٸ بٶلٸگٸندە ورنالاسقان: الماتى – 29,4 بالل, استانا – 26,5 بالل.

سالىستىرۋ ٷشٸن:

الماتى مەن استاناداعى ٶمٸر سٷرۋ قۇنى مەسكەۋگە (45,2 بالل, 230-ورىن) جەنە ەرەۆانعا (41,5 بالل, 257-ورىن) قاراعاندا تٶمەن. بۇل كٶرسەتكٸشتەر بويىنشا ەكٸ قالا كٶرشٸلەس استانالار – بٸشكەك (26,8) پەن تاشكەنتپەن (26,2), سونداي-اق مينسكپەن (26,4) شامالاس دەڭگەيدە. الايدا قازاقستاندىق قالالار ورتالىق ازيياداعى كٶرشٸلەرٸنەن العا شىقتى.

ەڭ ارزان ٶمٸر سٷرەتٸن قالالار ٷندٸستان مەن پەكٸستاندا تٸركەلگەن. ٷزدٸك وندىققا التى ٷندٸ, ٷش پەكٸستاندىق جەنە بٸر ليۆييالىق قالا كٸردٸ.

تۇرعىن ٷيدٸ جالداۋ قۇنى بويىنشا رەيتينگ (ورتالىق ازييا مەن ەاەو اياسىندا):

• مەسكەۋ – 39,2 بالل;

• ەرەۆان – 31;

• الماتى – 22,9;

• تاشكەنت – 21,1;

• بٸشكەك – 20,2;

• استانا – 19,7;

• مينسك – 19,5.

مامانداردىڭ ايتۋىنشا, قازاقستانداعى ٶمٸر سٷرۋ قۇنى دامىعان ەلدەرمەن سالىستىرعاندا ايتارلىقتاي تٶمەن. بۇل شەتەلدٸكتەر مەن تۋريستەر ٷشٸن قولجەتٸمدٸ شىعىندار دەڭگەيٸن بٸلدٸرسە, جەرگٸلٸكتٸ تۇرعىندار ٷشٸن تابىس دەڭگەيٸنٸڭ تٶمەندٸگٸن كٶرسەتەدٸ.

بۇل جەردە جەرگٸلٸكتٸ ساتىپ الۋ قابٸلەتٸ يندەكسٸ دە ەسكەرٸلگەن. ول تۇرعىنداردىڭ تابىسىنا قاراي قانشا تاۋار مەن قىزمەت الا الاتىنىن كٶرسەتەدٸ. 2025 جىلى استانادا بۇل كٶرسەتكٸش 59,4 بالعا جەتتٸ (2020 جىلى – 45,3). الماتىدا بەس جىلدا 36,3-تەن 55,9 بالعا ٶستٸ. بۇل قازاقستاندىق قالالاردىڭ ورتالىق ازيياداعى كٶرشٸلەرٸنەن اسىپ تٷسۋٸنە ەسەر ەتتٸ.