Mańǵystaý oblysynda Munaily aýdany ákiminiń orynbasary men Atameken aýyldyq okrýgi ákiminiń orynbasary esirtki qylmysyna qatysy bar degen kúdikpen ustaldy. Bul týraly óńir ákimdiginiń baspasóz qyzmeti jazdy, dep habarlaidy Dalanews.kz.
Kúdiktilerge qatysty sotqa deiingi tergeý bastaldy.
"Atalǵan derek boiynsha sotqa deiingi tergeý bastaldy. Qazirgi tańda aýdan ákiminiń orynbasary ýaqytsha ustaý izoliatoryna qamaldy, al ózge kúdiktilerge qatysty bultartpaý sharasy qarastyrylyp jatyr. Tárkilengen zattar saraptamaǵa jiberilip, tiisti tergeý amaldary júrgizilýde", - delingen habarlamada.
Arnaiy operatsiia oblystyq politsiia departamentiniń Esirtki qylmysyna qarsy is-qimyl basqarmasy «Qarasora-2025» jedel-profilaktikalyq is-sharasy aiasynda júrgizdi.
Ákimdik memlekettik qyzmetshiler arasynda sybailas jemqorlyq pen zańsyz áreketterge múldem tózbeýshilik saiasatyn jalǵastyryp otyrǵanyn atap ótti.
«Memlekettik qyzmet qataryn adal emes qyzmetkerlerden aryltý – bizdiń basty basymdyqtarymyzdyń biri», – delingen habarlamada.
