ماڭعىستاۋ وبلىسىندا مۇنايلى اۋدانى اكىمىنىڭ ورىنباسارى مەن اتامەكەن اۋىلدىق وكرۋگى اكىمىنىڭ ورىنباسارى ەسىرتكى قىلمىسىنا قاتىسى بار دەگەن كۇدىكپەن ۇستالدى. بۇل تۋرالى ءوڭىر اكىمدىگىنىڭ باسپا ءسوز قىزمەتى جازدى، دەپ حابارلايدى Dalanews.kz.
كۇدىكتىلەرگە قاتىستى سوتقا دەيىنگى تەرگەۋ باستالدى.
"اتالعان دەرەك بويىنشا سوتقا دەيىنگى تەرگەۋ باستالدى. قازىرگى تاڭدا اۋدان اكىمىنىڭ ورىنباسارى ۋاقىتشا ۇستاۋ يزولياتورىنا قامالدى، ال وزگە كۇدىكتىلەرگە قاتىستى بۇلتارتپاۋ شاراسى قاراستىرىلىپ جاتىر. تاركىلەنگەن زاتتار ساراپتاماعا جىبەرىلىپ، ءتيىستى تەرگەۋ امالدارى جۇرگىزىلۋدە"، - دەلىنگەن حابارلامادا.
ارنايى وپەراسيا وبلىستىق پوليسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسى «قاراسورا-2025» جەدەل-پروفيلاكتيكالىق ءىس-شاراسى اياسىندا جۇرگىزدى.
اكىمدىك مەملەكەتتىك قىزمەتشىلەر اراسىندا سىبايلاس جەمقورلىق پەن زاڭسىز ارەكەتتەرگە مۇلدەم توزبەۋشىلىك ساياساتىن جالعاستىرىپ وتىرعانىن اتاپ ءوتتى.
«مەملەكەتتىك قىزمەت قاتارىن ادال ەمەس قىزمەتكەرلەردەن ارىلتۋ – ءبىزدىڭ باستى باسىمدىقتارىمىزدىڭ ءبىرى»، – دەلىنگەن حابارلامادا.
