Resei Ýkrainaǵa basyp kirip, soǵys bastalǵaly kórshi eldiń ártisteri bizdiń elge «úiir» boldy. Olai deitinimiz, buryn Qazaqstanǵa jeke kontsertpen kóp kelmeitin reseilik ártister bizdiń elde kesh uiymdastyrýdy ádetke ainaldyra bastady. Biraq qazaqstandyqtar áýel bastan olardyń kontsertin ótkizbei tastady. Degenmen áli kúnge deiin soǵysty qoldaityn Z-ártister «úmitsiz shaitan» dep bizdiń elde kontsert ótkizip kórýge talpynyp júr. Biraq olary da nátijesiz. Dalanews.kz tilshisi Qazaqstanda «otmena» bolǵan reseilik ártisterdiń kontsertine sholý jasady.
Áleýmettik jelide eki kún buryn reseilik ártis Timatidiń kontserti Astanadaǵy Barys Arenada jáne Almatyda ótetini týraly belgili boldy. Anons shyqqan kúni-aq qazaqstandyqtar Threads jelisinde belsendi bolyp, ánshiniń kontsertine qarsy shyqty.
Artynsha qazaqstandyqtar Timatidiń kontserti ótpeitin boldy dep jarysa jaza bastady. Alaida bilet satatyn saittyń ókilderi bul aqparatty áli rastamady. Tipti material jazylǵan ýaqytta saitta biletter áli qoljetimdi.
Timatidiń kontserti ótpeidi dep "ókpelegen" qazaqstandyqtar da bar.
Bir qyzyǵy kontsertti uiymdastyrýshy Aleksei Pýchkov qazaqstandyqtarǵa til tigizip úlgergen.
Eske salaiyq, 2022 jyldyń 18 naýryzynda, Reseidiń Ýkrainaǵa qarsy soǵysy bastalǵannan keiin shamamen bir ai ótken soń, Timati Máskeýdegi «Lýjniki» sport kesheninde Qyrym anneksiiasynyń jyldyǵyna arnalǵan miting-kontsertte óner kórsetti. Sharanyń ataýy: «ZA natsizmsiz álem!», «ZA Reseidi!», «ZA Prezidentti!» bolǵan edi.
Aita keteiik, bul Resei ártisteriniń Qazaqstanda kontsert ótkizýine alǵash ret tyiym salynýy emes. Buǵan deiin taǵy bir Z-ártis Polina Gagarinanyń kontserti 27 qarashada Astanadaǵy Kongress-ortalyǵynda ótedi dep josparlanǵan. Alaida áleýmettik jelilerde bul sharany toqtatýǵa shaqyrǵan úndeýler belsendi túrde tarady. Qarsy taraptyń negizgi ýáji – ánshiniń Reseidegi úgit-nasihattyq aktsiialarǵa qatysýy jáne soǵystyq agressiiany ashyq qoldaýy.
2023 jyly Almatyda ótýi tiis bolǵan onyń kontserti de halyq narazylyǵynan keiin ótpei qalǵan edi. Sol kezde biletter satylymnan alynyp, afishalar alynyp, al uiymdastyrýshylar túsinikteme berýden bas tartqan bolatyn.
Biyl ánshi Zemfiranyń 6 shildede Almatydaǵy kontserti ótpei qaldy. Reseide «sheteldik agent» dep tanylǵan ánshiniń kontserti QazUÝ balansyna tiesili «Han-Táńiri» stadionynda ótedi dep josparlanǵan edi. Ýniversitet mýzykalyq sharanyń ne sebepti toqtatylǵanyn túsindirdi.
Odan bólek, 6 qyrkúiekke josparlanǵan ánshi Maks Korjdyń Almatydaǵy Ortalyq stadiondaǵy kontserti ótpeitin boldy. Shara Ortalyq stadionda ótedi dep josparlanǵan. Alaida stadionda mańyzdy match ótetindikten kontsert uiymdastyrýǵa tyiym salynǵan.
