Onda memleket basshysy otansúigishtik sezimniń kindik qanyń tamǵan jerińe, ósken aýylyńa, qalań men óńirińe, iaǵni týǵan jerińe degen súiispenshilikten bastalatynyn aitqan bolatyn. Bul jai sóz emes, úlken bir iske bastaityn úndeý ispetti. Sebebi Elbasymyz baǵdarlama aiasynda basqa aimaqtarǵa kóship ketse de týǵan jerlerin umytpai, oǵan qamqorlyq jasaǵysy kelgen kásipkerlerdi, sheneýnikterdi, ziialy qaýym ókilderi men jastardy uiymdasýǵa, týǵan jerge qoldaý jasaýǵa shaqyrdy.
Kóktemde kóterilgen másele kúzde óz jemisin berip te úlgerdi dese bolǵandai.
Máselen, taiaýda Almaty qalasynyń Naýryzbai aýdanynda jańa emhananyń tusaýy kesildi.
Almatynyq iri kásipker Tavabir Hairýllauly saldyrǵan bul emhana qarapaiym halyqtyń igiligine qyzmet etýi úshin qala ákimshiliginiń qaramaǵyna berildi. «Týǵan jer» baǵdarlamasynyń aiasynda júzege asqan bul igi bastamany kórýge Elbasynyń ózi Almatyǵa arnaiy at basyn burdy.
Jalpy, osy saparynda Elbasy Naýryzbai aýdanynyń áleýmettik-meditsinalyq hal-ahýalymen tanysty. Osy tusta aita ketýimiz kerek, qala quramyna jańa engen tusta bul aýdanda 92 myń turǵyn bolatyn. Soǵan bir aýrýhana, bir feldsherlik pýnkt, bir mezgilde 200 adam qabyldaityn tórt dárigerlik ambýlatoriia, on dárihana qyzmet etti.
Al búginde aýdan turǵyndarynyń sany kúrt ósip, 157 myńǵa jetken.
Soǵan sai meditsinalyq mekemeler de keń qanat jaidy. Atap aitqanda, qazir Naýryzbai aýdanynda eki iri qalalyq klinikalyq aýrýhana, aýysymyna myń adam qabyldaityn tórt qalalyq emhana, 58 dárihana bar. Buryn jalpy tájiribelik dárigerge 3000 adam júktelgen bolsa, búginde jańadan emhanalar salynyp, halyqqa qyzmet ete bastaǵan soń, bul júkteme eki esege azaidy. Arnaiy mamandar tapshylyǵy da joiylyp, turǵyndarǵa qajetti skriningtik ortalyq, balalar men eresekterge arnalǵan reabilitatsiialyq ortalyq, áielder konsýltatsiiasy, ambýlatorly jáne kishiinvazivti hirýrgiia, mamandardyrylǵan meditsinalyq kómek bólimderi ashyldy. Sonymen qatar, birińǵai Call-ortalyq, elektrondy kezek, mobildi qosymsha jumys jasaidy. Aýrýhanaǵa jatqyzylý kezegi 59 naýqastan, búginde 12 naýqasqa deiin azaidy. Ana ólimi tirkelmedi, bala ólimi 7,2-den 3,2-ge deiin kemidi.
Meditsinalyq mekemelerdiń ahýalyn Elbasyna tanystyryp júrgen Almaty qalasy Densaýlyq saqtaý basqarmasynyń basshysy Ýálihan Ahmetov endi az ýaqyttan soń «Qalqaman» shaǵyn aýdanynda taǵy bir meditsinalyq mekemeniń ashylatynyn, al «Taý samaly» shaǵyn aýdanynda emhananyń qurylysy bastalǵany jóninde baiandady. 2018 jyly tusaýy kesiledi dep josparlanǵan bul emhana bir aýysymda 500 adamǵa deiin qabyldaidy.
Jáne aýdan turǵyndaryn túgel derlik qamtityn jedel meditsinalyq kómek podstantsiiasy iske qosylmaq.
Sóz basynda aitqanymyzdai, Elbasynyń Naýryzbai aýdanynyń densaýlyq saqtaý mekemelerin aralaýǵa túrtki bolǵan osy aýdandaǵy taiaýda ashylǵan jańa emhana máselesi. Prezidentimiz N.Á.Nazarbaev óziniń «Týǵan jer» baǵdarlamasynda aitylǵan máseleni birden qolǵa alyp, qarapaiym halyqqa eń qajet degen emhana saldyryp bergen osy óńirdiń iri kásipkeri Tavabir Hairýllaulyna jumys sapary barysynda, alǵys bildirýdi jón kórgen.
Áigerim Qojahmetova
