وندا مەملەكەت باسشىسى وتانسٷيگٸشتٸك سەزٸمنٸڭ كٸندٸك قانىڭ تامعان جەرٸڭە, ٶسكەن اۋىلىڭا, قالاڭ مەن ٶڭٸرٸڭە, ياعني تۋعان جەرٸڭە دەگەن سٷيٸسپەنشٸلٸكتەن باستالاتىنىن ايتقان بولاتىن. بۇل جاي سٶز ەمەس, ٷلكەن بٸر ٸسكە باستايتىن ٷندەۋ ٸسپەتتٸ. سەبەبٸ ەلباسىمىز باعدارلاما اياسىندا باسقا ايماقتارعا كٶشٸپ كەتسە دە تۋعان جەرلەرٸن ۇمىتپاي, وعان قامقورلىق جاساعىسى كەلگەن كەسٸپكەرلەردٸ, شەنەۋنٸكتەردٸ, زييالى قاۋىم ٶكٸلدەرٸ مەن جاستاردى ۇيىمداسۋعا, تۋعان جەرگە قولداۋ جاساۋعا شاقىردى.
كٶكتەمدە كٶتەرٸلگەن مەسەلە كٷزدە ٶز جەمٸسٸن بەرٸپ تە ٷلگەردٸ دەسە بولعانداي.
مەسەلەن, تاياۋدا الماتى قالاسىنىڭ ناۋرىزباي اۋدانىندا جاڭا ەمحانانىڭ تۇساۋى كەسٸلدٸ.
الماتىنىق ٸرٸ كەسٸپكەر تاۆابير حايرۋللاۇلى سالدىرعان بۇل ەمحانا قاراپايىم حالىقتىڭ يگٸلٸگٸنە قىزمەت ەتۋٸ ٷشٸن قالا ەكٸمشٸلٸگٸنٸڭ قاراماعىنا بەرٸلدٸ. «تۋعان جەر» باعدارلاماسىنىڭ اياسىندا جٷزەگە اسقان بۇل يگٸ باستامانى كٶرۋگە ەلباسىنىڭ ٶزٸ الماتىعا ارنايى ات باسىن بۇردى.
جالپى, وسى ساپارىندا ەلباسى ناۋرىزباي اۋدانىنىڭ ەلەۋمەتتٸك-مەديتسينالىق حال-احۋالىمەن تانىستى. وسى تۇستا ايتا كەتۋٸمٸز كەرەك, قالا قۇرامىنا جاڭا ەنگەن تۇستا بۇل اۋداندا 92 مىڭ تۇرعىن بولاتىن. سوعان بٸر اۋرۋحانا, بٸر فەلدشەرلٸك پۋنكت, بٸر مەزگٸلدە 200 ادام قابىلدايتىن تٶرت دەرٸگەرلٸك امبۋلاتورييا, ون دەرٸحانا قىزمەت ەتتٸ.
ال بٷگٸندە اۋدان تۇرعىندارىنىڭ سانى كٷرت ٶسٸپ, 157 مىڭعا جەتكەن.
سوعان ساي مەديتسينالىق مەكەمەلەر دە كەڭ قانات جايدى. اتاپ ايتقاندا, قازٸر ناۋرىزباي اۋدانىندا ەكٸ ٸرٸ قالالىق كلينيكالىق اۋرۋحانا, اۋىسىمىنا مىڭ ادام قابىلدايتىن تٶرت قالالىق ەمحانا, 58 دەرٸحانا بار. بۇرىن جالپى تەجٸريبەلٸك دەرٸگەرگە 3000 ادام جٷكتەلگەن بولسا, بٷگٸندە جاڭادان ەمحانالار سالىنىپ, حالىققا قىزمەت ەتە باستاعان سوڭ, بۇل جٷكتەمە ەكٸ ەسەگە ازايدى. ارنايى ماماندار تاپشىلىعى دا جويىلىپ, تۇرعىندارعا قاجەتتٸ سكرينينگتٸك ورتالىق, بالالار مەن ەرەسەكتەرگە ارنالعان رەابيليتاتسييالىق ورتالىق, ەيەلدەر كونسۋلتاتسيياسى, امبۋلاتورلى جەنە كٸشٸينۆازيۆتٸ حيرۋرگييا, مامانداردىرىلعان مەديتسينالىق كٶمەك بٶلٸمدەرٸ اشىلدى. سونىمەن قاتار, بٸرٸڭعاي Call-ورتالىق, ەلەكتروندى كەزەك, موبيلدٸ قوسىمشا جۇمىس جاسايدى. اۋرۋحاناعا جاتقىزىلۋ كەزەگٸ 59 ناۋقاستان, بٷگٸندە 12 ناۋقاسقا دەيٸن ازايدى. انا ٶلٸمٸ تٸركەلمەدٸ, بالا ٶلٸمٸ 7,2-دەن 3,2-گە دەيٸن كەمٸدٸ.
مەديتسينالىق مەكەمەلەردٸڭ احۋالىن ەلباسىنا تانىستىرىپ جٷرگەن الماتى قالاسى دەنساۋلىق ساقتاۋ باسقارماسىنىڭ باسشىسى ۋەليحان احمەتوۆ ەندٸ از ۋاقىتتان سوڭ «قالقامان» شاعىن اۋدانىندا تاعى بٸر مەديتسينالىق مەكەمەنٸڭ اشىلاتىنىن, ال «تاۋ سامالى» شاعىن اۋدانىندا ەمحانانىڭ قۇرىلىسى باستالعانى جٶنٸندە باياندادى. 2018 جىلى تۇساۋى كەسٸلەدٸ دەپ جوسپارلانعان بۇل ەمحانا بٸر اۋىسىمدا 500 ادامعا دەيٸن قابىلدايدى.
جەنە اۋدان تۇرعىندارىن تٷگەل دەرلٸك قامتيتىن جەدەل مەديتسينالىق كٶمەك پودستانتسيياسى ٸسكە قوسىلماق.
سٶز باسىندا ايتقانىمىزداي, ەلباسىنىڭ ناۋرىزباي اۋدانىنىڭ دەنساۋلىق ساقتاۋ مەكەمەلەرٸن ارالاۋعا تٷرتكٸ بولعان وسى اۋدانداعى تاياۋدا اشىلعان جاڭا ەمحانا مەسەلەسٸ. پرەزيدەنتٸمٸز ن.ە.نازارباەۆ ٶزٸنٸڭ «تۋعان جەر» باعدارلاماسىندا ايتىلعان مەسەلەنٸ بٸردەن قولعا الىپ, قاراپايىم حالىققا ەڭ قاجەت دەگەن ەمحانا سالدىرىپ بەرگەن وسى ٶڭٸردٸڭ ٸرٸ كەسٸپكەرٸ تاۆابير حايرۋللاۇلىنا جۇمىس ساپارى بارىسىندا, العىس بٸلدٸرۋدٸ جٶن كٶرگەن.
ەيگەرٸم قوجاحمەتوۆا
