Goldman Sachs munaı baǵasynyń tómendeýine baılanysty bizdiń óńirdiń makroekonomıkalyq kórsetkishterine qatysty boljamdy qaıta qarap shyqty. Jańa boljamǵa sáıkes, Brent makarly munaıdyń bir barreli 2025 jyly 62 dollar, 2026 jyly 55 dollar bolýy múmkin, dep habarlaıdy Dalanews.kz.
Eń bastysy, boljamdaǵy oń qubylys AQSH ekonomıkasynda resessıa bolmaıtyny jáne OPEK+ elderi munaı óndirisi kólemin shektep bolsyn, ósirýi bolyp tabylady.
Qazaqstanǵa qatysty boljam:
- JİÓ ósimi 2025 jyly: +5.2% (2024 jylǵy +4.8%-dan keıin), al odan keıin ekonomıkanyń ósý qarqyny baıaýlap, 2026 jyly +4.1%, 2027 jyly 4.3% bolýy yqtımal.
- Inflásıa: 2024 jylǵy 8.7%-ben salystyrǵanda 2025 jyly 9.7% quraıdy. Inflásıa ósimi odan keıingi jyldary tejele bastaıdy, ıaǵnı 2026 jyly 7.3%, 2027 jyly 5.9%-ǵa deıin.
- Bazalyq mólsherleme qazirgi 15.25%-dan 2025 jyldyń sońyna deıin 17.00%-ǵa ósýi múmkin. Al odan keıingi jyldary tek tómendeý tirkeledi dep boljanady: 2026 jyly - 15.00%, 2027 jyly - 11.00%, 2028 jyly - 9.00%. Bul syrtqy synı-tegeýirinder aıasynda ınflásıany aýyzdyqtaý amaldaryn tanytatyny da naqtylanady.
"Tutastaı alǵanda, Qazaqstan munaı baǵasynyń tómendeýi túrindegi syrtqy qysymnyń bir bóligin ishki suranyspen jáne fıskaldyq ıkemdilikpen óteıtin bolady. Bul rette Aqsha-nesıe saıasatyn qatańdatý ınflásıany basqarýda Ulttyq Bank súıenetin negizgi quraly bolyp qala beredi. Al Qazaqstannyń ózi CEEMEA-nyń ishindegi eń jyldam damyp kele jatqan ekonomıkalardyń biri bolyp qala beredi. Bizdiń aımaqta GS kóbinese Úırek eti ekenin túsiný kerek, biraq stavka boıynsha kútý naryq", delingen amerıkalyq iri ınvestısıalyq bank boljamynda.
Buǵan deıin Eýrazıalyq Turaqtandyrý jáne damý qorynyń makroekonomıkalyq boljamdaryn jarıalaǵan bolatynbyz. Oǵan sáıkes, Qazaqstanda ınflásıa údeı túskenimen, ekonomıka turaqty bolyp tabylady. Sondaı-aq qarjy salasynyń sarapshysy Arman Beısembaev munaı baǵasy jyl sońyna deıin tómen kúıde qala beretin bolsa, jaqyn prespektıvadaǵy 1 AQSH dolarynyń quny 530 teńge, al jyl sońynda 580 teńgeni quraýy múmkin ekenin boljaǵan. Ol munaı baǵasy tómendese, Qazaqstanda AQSH dollarynyń baǵamy ósetinin, bul qalypty zańdylyq ekenin naqtylaǵan.
