Sotta Qarjaýbai Nurymov jaýap berý kezinde marqum Sherzat Bolattyń ómiriniń sońǵy sátterin eske aldy, – dep habarlaidy Dalanews.kz.
"Nurǵanat pen Sherzatty kólikpen apara jatqan kezde Sherzat oryndyqtan jyljyp qulap ketti. Toqtatyp, qaradym. Jany shyǵyp ketti. Ózim jansaqtaý sharalaryn jasap kórdim. Kólikke alǵan kezde Sherzatta pýls bar edi. Jolda ketip bara jatqan kezde jyldamdyqty asyrdym. Toqtaǵan kezde pýls bolmai qaldy", – dedi Qarjaýbai Nurymov.
Sherzat Bolattyń ólimi týraly ne belgili?
Eske salaiyq, byltyr Talǵarda jappai tóbeles bolyp, saldarynan 16 jastaǵy jasóspirim Sherzat Bolat kóz jumdy.
Kámeletke tolmaǵan balany óltirý deregi boiynsha Almaty oblysynyń Politsiia departamenti qylmystyq is qozǵady. Sondai-aq, olardyń úii órtenip ketti.
Kóp uzamai, iaǵni 9 jeltoqsanda marqum Sherzat Bolattyń aǵasy Nurǵanat Ǵaiypbaev ajal qushty. Politsiia departamenti aldyn ala derekter boiynsha ol sýitsid jasaǵanyn málimdedi. Oǵan dálel retinde politseiler Nurǵanattyń týysyna messendjer arqyly jazǵan hatyn jariia etti.
Al marqum Sherzattyń ákesi baýyry Nurǵanat Ǵaiypbaevty jer qoinyna tapsyrǵanan keiin buqaralyq aqparat quraldarymen kezdesýdi talap etip, kóshege shyqty. Alaida araǵa uzaq ýaqyt salmai Qarjaýbai Nurymovty politsiia qyzmetkerleri ustap áketti. Artynsha Sherzat Bolattyń ápkesi qamaýǵa alyndy. Keiin Qarjaýbai Nurymov 15 táýlikke ákimshilik qamaýǵa alyndy.
