سوتتا قارجاۋباي نۇرىموۆ جاۋاپ بەرۋ كەزىندە مارقۇم شەرزات بولاتتىڭ ءومىرىنىڭ سوڭعى ساتتەرىن ەسكە الدى، – دەپ حابارلايدى Dalanews.kz.
"نۇرعانات پەن شەرزاتتى كولىكپەن اپارا جاتقان كەزدە شەرزات ورىندىقتان جىلجىپ قۇلاپ كەتتى. توقتاتىپ، قارادىم. جانى شىعىپ كەتتى. ءوزىم جانساقتاۋ شارالارىن جاساپ كوردىم. كولىككە العان كەزدە شەرزاتتا پۋلس بار ەدى. جولدا كەتىپ بارا جاتقان كەزدە جىلدامدىقتى اسىردىم. توقتاعان كەزدە پۋلس بولماي قالدى"، – دەدى قارجاۋباي نۇرىموۆ.
شەرزات بولاتتىڭ ءولىمى تۋرالى نە بەلگىلى؟
ەسكە سالايىق، بىلتىر تالعاردا جاپپاي توبەلەس بولىپ، سالدارىنان 16 جاستاعى ءجاسوسپىرىم شەرزات بولات كوز جۇمدى.
كامەلەتكە تولماعان بالانى ءولتىرۋ دەرەگى بويىنشا الماتى وبلىسىنىڭ پوليسيا دەپارتامەنتى قىلمىستىق ءىس قوزعادى. سونداي-اق، ولاردىڭ ءۇيى ورتەنىپ كەتتى.
كوپ ۇزاماي، ياعني 9 جەلتوقساندا مارقۇم شەرزات بولاتتىڭ اعاسى نۇرعانات عايىپبايەۆ اجال قۇشتى. پوليسيا دەپارتامەنتى الدىن الا دەرەكتەر بويىنشا ول سۋيسيد جاساعانىن مالىمدەدى. وعان دالەل رەتىندە پوليسەيلەر نۇرعاناتتىڭ تۋىسىنا مەسسەندجەر ارقىلى جازعان حاتىن جاريا ەتتى.
ال مارقۇم شەرزاتتىڭ اكەسى باۋىرى نۇرعانات عايىپبايەۆتى جەر قوينىنا تاپسىرعانان كەيىن بۇقارالىق اقپارات قۇرالدارىمەن كەزدەسۋدى تالاپ ەتىپ، كوشەگە شىقتى. الايدا اراعا ۇزاق ۋاقىت سالماي قارجاۋباي نۇرىموۆتى پوليسيا قىزمەتكەرلەرى ۇستاپ اكەتتى. ارتىنشا شەرزات بولاتتىڭ اپكەسى قاماۋعا الىندى. كەيىن قارجاۋباي نۇرىموۆ 15 تاۋلىككە اكىمشىلىك قاماۋعا الىندى.
