Sotta Sherzat Bolattyń ákesi Qarjaýbai Nurymov jaýap berdi, - dep habarlaidy Dalanews.kz.
"Qorǵaný maqsatynda qolyma pyshaq aldym. Nurbol Toqtaýbaev "hýtorskiimiz" degende seskendik. Bizdi túsinbeidi, tóbeles toqtamaidy, báribir ózinikin jasap ketedi degen oi boldy. Aýylda estitinbiz. Olar birde-bir tóbelesip, osy ýaqytqa deiin áńgimeni sheshken emes. Qanshama bala jaraqat alǵan. Sebebi aýyldaǵy "Hýtordyń" balalary kórshimizdi solai pyshaqtap atyp, óltirip ketken. Men seskenip, ózimdi qorǵaý maqsatynda qolyma mai kesetin pyshaqty aldym", - dedi ol sot otyrysy barysynda.
Sherzat Bolattyń ólimi týraly ne belgili?
Eske salaiyq, byltyr Talǵarda jappai tóbeles bolyp, saldarynan 16 jastaǵy jasóspirim Sherzat Bolat kóz jumdy.
Kámeletke tolmaǵan balany óltirý deregi boiynsha Almaty oblysynyń Politsiia departamenti qylmystyq is qozǵady. Sondai-aq, olardyń úii órtenip ketti.
Kóp uzamai, iaǵni 9 jeltoqsanda marqum Sherzat Bolattyń aǵasy Nurǵanat Ǵaiypbaev ajal qushty. Politsiia departamenti aldyn ala derekter boiynsha ol sýitsid jasaǵanyn málimdedi. Oǵan dálel retinde politseiler Nurǵanattyń týysyna messendjer arqyly jazǵan hatyn jariia etti.
Al marqum Sherzattyń ákesi baýyry Nurǵanat Ǵaiypbaevty jer qoinyna tapsyrǵanan keiin buqaralyq aqparat quraldarymen kezdesýdi talap etip, kóshege shyqty. Alaida araǵa uzaq ýaqyt salmai Qarjaýbai Nurymovty politsiia qyzmetkerleri ustap áketti. Artynsha Sherzat Bolattyń ápkesi qamaýǵa alyndy. Keiin Qarjaýbai Nurymov 15 táýlikke ákimshilik qamaýǵa alyndy.
