Búgin Almaty oblysy Eńbekshiqazaq aýdany aýmaǵynda ornalasqan «Ile-Alataý» memlekettik ulttyq tabiǵi parkiniń Túrgen shatqalynda dala jáne orman órtterin sóndirý boiynsha órt-taktikalyq oqý-jattyǵýlary ótti. Is-shara órt qaýpi joǵary maýsymnyń bastalýyna orai uiymdastyrylyp, tabiǵi órtterdiń aldyn alý sharalaryn pysyqtaýǵa baǵyttaldy.
«Búgingi oqý-jattyǵýdyń maqsaty – Almaty oblysy TJD men jumyldyrylǵan barlyq kúshterdiń áreketin baǵalaý jáne dala órtteriniń aldyn alý. Biz shartty órtti sóndirý boiynsha praktikalyq sharalardy iske asyrdyq. Mundai jattyǵýlar aldaǵy ýaqytta turaqty túrde ótkizilip turady. Bul tájiribe almasýǵa, qyzmetkerlerdiń biliktiligin arttyrýǵa jáne tehnikalyq bazany jetildirýge múmkindik beredi», – dedi Almaty oblysy TJD bastyǵynyń mindetin ýaqytsha atqarýshy Daýren Dáýletqanuly Orazbekov.
Jattyǵý aldyn ala bekitilgen stsenarii boiynsha ótti. Oǵan Almaty oblysy TJD qyzmetkerleri, «Ile-Alataý» memlekettik ulttyq tabiǵi parkiniń mamandary, Eńbekshiqazaq aýdanynyń jergilikti atqarýshy organdary men «Qazaviormanqorǵaý» RMK mamandary qatysty.
Stsenarii boiynsha shartty órt Turgen shatqalynda oryn aldy. Qolaisyz aýa raiynyń saldarynan ot úlken aýmaqqa taralyp, orman alqabyna jáne Turgen aýylynyń turǵyndaryna qaýip tóndirdi.
Órtti sóndirýge «Qazaviormanqorǵaý» mekemesiniń qutqarý tikushaǵy men ushaǵy, 5 atty barlaý toby, 35 tehnika birligi, 200 jeke quram qyzmetkeri jáne Almaty oblysy TJD men jergilikti atqarýshy organdardyń bir kinologiialyq esebi jumyldyryldy. Meditsinalyq kómek kórsetý úshin Tótenshe jaǵdailar meditsinasy ortalyǵynyń 3 dárigeri tartyldy. Jergilikti turǵyndar men sheteldik týrister evakýatsiialandy: barlyǵy 20 adam (10 týrist jáne 10 aýyl turǵyny) qutqaryldy.
Jeke quram esepteri jedel túrde ornalastyrylyp, sý tartý Túrgen ózeninen uiymdastyryldy. Úilesimdi is-áreketterdiń arqasynda órt oqshaýlanyp, tolyqtai sóndirildi.
Almaty oblysy TJD baspasóz qyzmeti
