Bir top oqýshyny Pavlodardan Astanaǵa fýtbol jarysyna apara jatqan avtobýs jolda apatqa ushyrady. Jattyqtyrýshy oqiǵa ornynda kóz jumdy. Al balalardyń túgel derligi jaqyn mańdaǵy aýrýhanaǵa jetkizildi, dep habarlaidy Dalanews.kz.
"18 sáýirde Astana – Ereimentaý – Shiderti tas jolynda "Mersedes" markaly shaǵyn avtobýs jol apatyna ushyrady. Kólik júrgizýshisi aldyndaǵy júk kóligin basyp kezinde aýdarylǵany anyqtaldy. Mikroavtobýs salonynda 14 pen 16 jas aralyǵyndaǵy 16 bala jáne bir eresek adam, iaǵni jattyqtyrýshy bolǵan. Apat saldarynan bapker oqiǵa ornynda jan tapsyrdy. Balalar jaqyn mańdaǵy aýrýhanaǵa jetkizildi, olar dárigerlerdiń baqylaýynda", delingen Aqmola oblysy PD baspasóz qyzmetiniń habarlamasynda.
Atalǵan fakti boiynsha qylmystyq is qozǵalyp, qajetti tergeý áreketteri júrgizilip jatqany da naqtylanady.
Oqýshylardy jarysqa jibergen jeke sport mektebiniń basshylyǵy politsiia qyzmetkerlerin budan habardar etpegen, sondyqtan patrýldik nariadtyń súiemeldeýi bolmaǵan. Bul fakti boiynsha da tekserý júrgiziletini aitylady.
