ءبىر توپ وقۋشىنى پاۆلوداردان استاناعا فۋتبول جارىسىنا اپارا جاتقان اۆتوبۋس جولدا اپاتقا ۇشىرادى. جاتتىقتىرۋشى وقيعا ورنىندا كوز جۇمدى. ال بالالاردىڭ تۇگەل دەرلىگى جاقىن ماڭداعى اۋرۋحاناعا جەتكىزىلدى، دەپ حابارلايدى Dalanews.kz.
"18 ساۋىردە استانا – ەرەيمەنتاۋ – شىدەرتى تاس جولىندا "مەرسەدەس" ماركالى شاعىن اۆتوبۋس جول اپاتىنا ۇشىرادى. كولىك جۇرگىزۋشىسى الدىنداعى جۇك كولىگىن باسىپ كەزىندە اۋدارىلعانى انىقتالدى. ميكرواۆتوبۋس سالونىندا 14 پەن 16 جاس ارالىعىنداعى 16 بالا جانە ءبىر ەرەسەك ادام، ياعني جاتتىقتىرۋشى بولعان. اپات سالدارىنان باپكەر وقيعا ورنىندا جان تاپسىردى. بالالار جاقىن ماڭداعى اۋرۋحاناعا جەتكىزىلدى، ولار دارىگەرلەردىڭ باقىلاۋىندا"، دەلىنگەن اقمولا وبلىسى پد باسپا ءسوز قىزمەتىنىڭ حابارلاماسىندا.
اتالعان فاكتى بويىنشا قىلمىستىق ءىس قوزعالىپ، قاجەتتى تەرگەۋ ارەكەتتەرى جۇرگىزىلىپ جاتقانى دا ناقتىلانادى.
وقۋشىلاردى جارىسقا جىبەرگەن جەكە سپورت مەكتەبىنىڭ باسشىلىعى پوليسيا قىزمەتكەرلەرىن بۇدان حاباردار ەتپەگەن، سوندىقتان پاترۋلدىك ناريادتىڭ سۇيەمەلدەۋى بولماعان. بۇل فاكتءى بويىنشا دا تەكسەرۋ جۇرگىزىلەتىنى ايتىلادى.
