الماتىدا بٸر تەۋلٸكتە ايلىق جاۋىن-شاشىن مٶلشەرٸنٸڭ جارتىسىنان استامى جاۋدى, دەپ حابارلايدى dalanews.kz.
قالادا 10 مامىر ساعات 11:00-دەن باستاپ 11 مامىر ساعات 20:00-گە دەيٸن 50,4 مم جاۋىن-شاشىن جاۋعان. بۇل مامىردا بەلگٸلەنگەن نورمانىڭ 51 پايىزىنا تەڭ.
نٶسەرگە بايلانىستى كوممۋنالدىق قىزمەتتەر كٷشەيتٸلگەن رەجيمگە كٶشٸپ, سۋ باسۋدىڭ الدىن الۋ جەنە سالدارىن جويۋ جۇمىستارىن جٷرگٸزٸپ جاتىر. بۇل تۋرالى قالالىق كوممۋنالدىق ينفراقۇرىلىمدى دامىتۋ جەنە تۇرعىن ٷي ينسپەكتسيياسى باسقارماسى حابارلادى.
قازٸر الماتىنىڭ قۇتقارۋ قىزمەتٸ دە تەۋلٸك بويى كەزەكشٸلٸك اتقارىپ جاتىر. ولاردىڭ قاراماعىندا اسسەنيزاتورلىق كٶلٸكتەر, 15 موتوپومپا بار. ال تٶتەنشە جاعدايلار دەپارتامەنتٸ 53 ارنايى تەحنيكا مەن 240 قىزمەتكەر جۇمىلدىرعان.
جالپى قالا بويىنشا بٸر تەۋلٸكتە جول سالاسىنىڭ 3 مىڭنان اسا جۇمىسشىسى, 1225 ارنايى تەحنيكاسى جۇمىسقا تارتىلعان.
سينوپتيكتەردٸڭ بولجامىنشا, 12 مامىردا الماتىنىڭ كەي جەرلەرٸندە جاڭبىر جاۋىپ, نايزاعاي وينايدى. ال 13 مامىردان باستاپ جاۋىن-شاشىن توقتاپ, كٷن الا بۇلتتى بولادى.
