كٶكشەتاۋدا تۇرعىن ٷي اۋماعىنداعى اۆتوتۇراققا كٸرٸپ كەلە جاتقان كٶلٸك ەيەلدٸ قاعىپ كەتٸپ, وقيعا سالدارىنان ول كٶز جۇمدى. قايعىلى جاعدايدىڭ ۆيدەوسى ەلەۋمەتتٸك جەلٸدە تارادى, دەپ حابارلايدى dalanews.kz.
مارقۇمنىڭ تۋىستارىنىڭ ايتۋىنشا, وتباسى سول كٷنٸ قىز ۇزاتۋ تويىنا بايلانىستى كٶكشەتاۋ قالاسىنا جينالعان. ەۋلەت ٷلكەن قۋانىشتىڭ قامىمەن جٷرگەن.
قازا تاپقان ەيەلدٸڭ ارتىندا 12 جاستاعى بالاسى قالعان.
بەينەباقىلاۋ كامەراسىنا تٷسكەن كادرلاردا اۆتوتۇراققا كٸرٸپ كەلە جاتقان كٶلٸكتٸڭ جولدا كەتٸپ بارا جاتقان ەيەلدٸ قاعىپ, ٷستٸنەن باسىپ ٶتكەنٸ كٶرٸنەدٸ. وقيعادان كەيٸن كٶلٸكتەن شىققان ادامدار ابدىراپ, كۋەگەرلەر جەدەل جەردەم شاقىرعان.
اقمولا وبلىسى پوليتسييا دەپارتامەنتٸ اتالعان دەرەك بويىنشا قىلمىستىق ٸس قوزعالعانىن حابارلادى.
– تەرگەۋ اياسىندا وقيعانىڭ بارلىق مەن-جايىن انىقتاۋعا باعىتتالعان قاجەتتٸ تەرگەۋ امالدارى جٷرگٸزٸلٸپ جاتىر, – دەپ مەلٸمدەدٸ ۆەدومستۆو.
وقيعادان كەيٸن اۋلا تۇرعىندارى قاۋٸپسٸزدٸك مەسەلەسٸن كٶتەردٸ. ولاردىڭ ايتۋىنشا, ٷش تۇرعىن ٷيگە اپاراتىن بٸر عانا كٸرەبەرٸس جول بار, ال اۋلادا بالالار جيٸ وينايدى.
تۇرعىندار بٸرنەشە رەت جاساندى جول كەدەرگٸلەرٸن ورناتۋدى جەنە ەكٸنشٸ كٸرەبەرٸس اشۋدى سۇراعاندارىن, الايدا ٶتٸنٸشتەرٸ ەسكەرۋسٸز قالعانىن ايتادى.
– بٸز قاۋٸپتٸ جاعدايدا ٶمٸر سٷرٸپ جاتىرمىز. بارلىق كٶلٸك بٸر عانا جولمەن ٶتەدٸ. اۋلا جانىندا ويىن الاڭى بار. بۇعان دەيٸن دە جول اپاتتارى بولعان, بٸراق ادام ٶلٸمٸ تٸركەلمەگەن ەدٸ. ەندٸ بٸر بالا اناسىنان ايىرىلىپ وتىر, – دەيدٸ تۇرعىندار.
