9 مامىر كٷنٸ استاناداعى قالالىق الاڭدا ۇلى وتان سوعىسىنداعى جەڭٸستٸڭ 81 جىلدىعىنا ارنالعان «جەڭٸس 9/45» اتتى مەرەكەلٸك كونتسەرت ٶتتٸ. مۋزىكالىق جوبانى «ەۋرازييالىق مونيتورينگ» ورتالىعى ۇيىمداستىردى, دەپ حابارلايدى dalanews.kz.
كونتسەرتكە جينالعان قالا تۇرعىندارى مەن قوناقتارى سوعىس جىلدارىنداعى ەندەردٸ, پاتريوتتىق شىعارمالاردى تىڭداپ, تاريحي ەستەلٸكتەرگە كۋە بولدى. باعدارلامادا ە. راحماديەۆ اتىنداعى مەملەكەتتٸك اكادەمييالىق فيلارمونييانىڭ ٷرمەلٸ اسپاپتار وركەسترٸ ٶنەر كٶرسەتتٸ. تٸكەلەي ورىندالعان مۋزىكالىق كومپوزيتسييالار مەرەكەلٸك كەشتٸڭ ەسەرٸن كٷشەيتە تٷستٸ.
كەش بارىسىندا قازاقتىڭ داڭقتى باتىرلارى – تالعات بيگەلدينوۆ, مەنشٷك مەمەتوۆا, ەلييا مولداعۇلوۆا, نۇركەن ەبدٸروۆ جەنە باۋىرجان مومىشۇلى تۋرالى ەستەلٸكتەر ايتىلدى.
جوبانىڭ ۇيىمداستىرۋشىسى ەلٸبەك تەجٸباەۆ كونتسەرتتٸڭ باستى ماقساتى – ۇلى جەڭٸس تۋرالى تاريحي جادىنى ساقتاۋ جەنە ونى جاس ۇرپاققا جەتكٸزۋ ەكەنٸن اتاپ ٶتتٸ.
– «جەڭٸس 9/45» – جاي عانا مەدەني شارا ەمەس. بۇل – مايداندا شايقاسقان, تىلدا ەڭبەك ەتكەن بۋىنعا دەگەن قۇرمەت. مۋزىكا ارقىلى بٸز بەيبٸت ٶمٸر سىيلاعان ەرلەردٸڭ ەرلٸگٸن ەسكە الامىز. ٶتكەنگە تاعزىم – بولاشاقتىڭ كەپٸلٸ, – دەدٸ ول.
كونتسەرت بارىسىندا ۆوكاليستەر مەن بي ۇجىمدارى ٶنەر كٶرسەتتٸ. سونىمەن قاتار ساحناعا شىققان مەدي قادىروۆ پەن Argonya كٶرەرمەننٸڭ ىستىق ىقىلاسىنا بٶلەندٸ.
كەش سوڭىندا ٶنەرپازدار مەن وركەستر جەڭٸس ەندەرٸن قالا تۇرعىندارىمەن بٸرگە ورىنداپ, مەرەكەلٸك كونتسەرت ەرەكشە اتموسفەرادا قورىتىندىلاندى.
