Olimpiada chempiony Mihail Shaidorov Almatydaǵy №3 keshendi balalar-jasóspirimder sport mektebiniń tárbielenýshilerimen kezdesip, Balalardy qorǵaý kúnine orai olarǵa sporttyq qural-jabdyq alýǵa sertifikattar tabystady, dep habarlaidy dalanews.kz.
Bul týraly sportshy óziniń Threads paraqshasynda habarlady. 30 jas sportshynyń árqaisysyna 200 myń teńgelik sertifikat berilgen. Osylaisha, jalpy qoldaý kólemi 6 mln teńge.
Shaidorov balalarǵa qýanysh syilai alǵanyna riza ekenin jetkizdi.
– Qoldaý kórsetkenderdiń barlyǵyna raqmet! Balalarǵa jaǵymdy emotsiia men óz kúshine degen senim syilai alǵanyma óte qýanyshtymyn, – dep jazdy sportshy.
Buǵan deiin Mihail Shaidorov jalaqy tólemderine qatysty qiyndyqtar bolǵanyn aitqan edi. Sondai-aq qarajat qolyna tigen soń onyń bir bóligin balalarǵa kómektesýge jumsaitynyn málimdegen.
Osylaisha sportshy óz ýádesinde turyp, jas mánerlep syrǵanaýshylarǵa qoldaý kórsetti.
