وليمپيادا چەمپيونى ميحايل شايدوروۆ الماتىداعى №3 كەشەندٸ بالالار-جاسٶسپٸرٸمدەر سپورت مەكتەبٸنٸڭ تەربيەلەنۋشٸلەرٸمەن كەزدەسٸپ, بالالاردى قورعاۋ كٷنٸنە وراي ولارعا سپورتتىق قۇرال-جابدىق الۋعا سەرتيفيكاتتار تابىستادى, دەپ حابارلايدى dalanews.kz.
بۇل تۋرالى سپورتشى ٶزٸنٸڭ Threads پاراقشاسىندا حابارلادى. 30 جاس سپورتشىنىڭ ەرقايسىسىنا 200 مىڭ تەڭگەلٸك سەرتيفيكات بەرٸلگەن. وسىلايشا, جالپى قولداۋ كٶلەمٸ 6 ملن تەڭگە.
شايدوروۆ بالالارعا قۋانىش سىيلاي العانىنا ريزا ەكەنٸن جەتكٸزدٸ.
– قولداۋ كٶرسەتكەندەردٸڭ بارلىعىنا راقمەت! بالالارعا جاعىمدى ەموتسييا مەن ٶز كٷشٸنە دەگەن سەنٸم سىيلاي العانىما ٶتە قۋانىشتىمىن, – دەپ جازدى سپورتشى.
بۇعان دەيٸن ميحايل شايدوروۆ جالاقى تٶلەمدەرٸنە قاتىستى قيىندىقتار بولعانىن ايتقان ەدٸ. سونداي-اق قاراجات قولىنا تيگەن سوڭ ونىڭ بٸر بٶلٸگٸن بالالارعا كٶمەكتەسۋگە جۇمسايتىنىن مەلٸمدەگەن.
وسىلايشا سپورتشى ٶز ۋەدەسٸندە تۇرىپ, جاس مەنەرلەپ سىرعاناۋشىلارعا قولداۋ كٶرسەتتٸ.
