Freedom Finance kompaniiasy MIA «KazTAG»-pen aradaǵy daýdy mediatsiia tártibimen retteýge daiyn ekenin málimdep, redaktsiiaǵa sońǵy usynysyn joldady, dep habarlaidy dalanews.kz.
Kompaniianyń málimetinshe, sońǵy ýaqytta Freedom Finance qyzmetine qatysty shyndyqqa sáikes kelmeitin aqparattyń taralýyna bailanysty is qoǵamda keńinen talqylanýda. Osyǵan bailanysty kompaniia óz ustanymyn jariialap, jýrnalisterge qatysty qatań jaýapkershilik sharalaryn qoldanýǵa múddeli emes ekenin atap ótti.
Freedom Finance úshin basty másele – kompaniianyń iskerlik bedelin qorǵaý. Sondyqtan kompaniia jalǵan dep sanaityn aqparattardyń taralýyn toqtatýdy, mundai jariialanymdardy joiýdy jáne olardy resmi túrde teriske shyǵarýdy talap etedi.
Kompaniia ókilderiniń aitýynsha, dál osy talaptar buǵan deiin KazTAG-qa joldanǵan sotqa deiingi talap-aryzda kórsetilgen. Freedom Finance qazirgi ýaqytta daýdy mediatsiia arqyly sheshýge áli de daiyn ekenin málimdedi.
Usynylǵan sharttarǵa sáikes, KazTAG birqatar jariialanymdardyń Freedom Finance kompaniiasynyń iskerlik bedeline nuqsan keltirgenin jáne shyndyqqa sáikes kelmeitinin moiyndaýy tiis. Kompaniianyń málimdeýinshe, tergeý barysynda usynylǵan qujattar negizinde taralǵan málimetterdiń shyndyqqa janaspaityny anyqtalǵan. Sonymen qatar lingvistikalyq saraptamalar atalǵan materialdardyń teris sipatqa ie ekenin kórsetken.
Sondai-aq Freedom Finance «Mass-media týraly» zańnyń 38-babyna sáikes barlyq platformalarda resmi teriske shyǵarý jariialap, daýly materialdardy alyp tastaýdy usynyp otyr.
Budan bólek, kompaniia mediativtik kelisimge jalǵan aqparat taratý jáne mass-media týraly zań talaptaryn buzý faktisin moiyndaý týraly tarmaq engizýdi talap etedi. Freedom Finance munyń zań talaptarynan týyndaitynyn, sebebi is qazirgi tańda sot qaraýyna ótkenin atap ótti.
Kompaniia azamattyq talap qoiý jáne quqyq qorǵaý organdaryna júginý siiaqty barlyq áreketter KazTAG-tyń daýdy sotqa deiin retteýden bas tartýynan keiin jasalǵanyn málimdedi.
Freedom Finance ókilderi ózderiniń basty maqsaty jýrnalisterdi jazalaý emes, kompaniia týraly taratylǵan jalǵan málimetterdi zań aiasynda joqqa shyǵarý ekenin aitty. Sonymen qatar kompaniia buqaralyq aqparat quraldaryn aqparattyń naqtylyǵy men obektivtiligin saqtaýǵa shaqyryp, daýdy mediatsiia arqyly sheshýge ázir ekenin taǵy da rastady.
