Qazaqstandyq kásipker Muhtar Jákishevtiń qyzy Altynai Jákisheva turmysqa shyqty. Bul týraly áleýmettik jelilerdegi jazbalardan belgili boldy, dep habarlaidy dalanews.kz.
Altynai Jákisheva 1999 jyly dúniege kelgen. Ol modeldik mansappen ainalysady, qazirgi ýaqytta Londonda turyp, jumys isteidi.
Muhtar Jákishev – qazaqstandyq tanymal kásipker, sondai-aq «Qazatomónerkásip» ulttyq atom kompaniiasynyń burynǵy basshysy. Ol 1963 jyly 28 maýsymda Almatyda dúniege kelgen. Máskeý injenerlik-fizika institýtyn injener-fizik mamandyǵy boiynsha támamdap, keiin osy oqý ornynda aspirantýrada bilimin jalǵastyrǵan.
Ár jyldary Jákishev Butya, «Zangar» jáne «Alaýtransgaz» sekildi kompaniialarda basshylyq qyzmet atqarǵan. Sonymen qatar Qazaqstannyń energetika jáne mineraldyq resýrstar vitse-ministri bolǵan.
1998 jyldan bastap onyń qyzmeti «Qazatomónerkásip» júiesimen bailanysty boldy. Al 2002-2009 jyldary ulttyq atom kompaniiasyn basqardy. Bul kezeń eldegi ýran salasynyń qarqyndy damýymen este qaldy.
2009 jyly Muhtar Jákishev ustalyp, keiin birneshe qylmystyq aiyp boiynsha 14 jylǵa sottalǵan. Onyń isi qoǵamda keń rezonans týdyrǵan edi.
2020 jyldyń naýryzynda ol shartty túrde merziminen buryn bosap shyǵyp, shamamen 11 jylyn qamaýda ótkizdi.
Muhtar Jákishev kópbalaly áke. Onyń Aigerim, Aisulý, Altynai, Aidai jáne Aitóre esimdi balalary bar. Al 2023 jyly otbasynda taǵy bir qyz dúniege kelgen.
