Áleýmettik jelide manák dep aıdar taǵylǵan er adamnyń sýreti taraı bastady. Jazbada qaskóıdiń tańdaýy, kóbine jasóspirimderge túsetini aıtylǵan. Abaı oblysynyń polısıa departamenti Semeıde jasóspirimderdi óltiretin manák paıda bolǵany týraly aqparatty joqqa shyǵardy, dep habarlaıdy Dalanews.kz.

Mundaı jazba bir kún buryn áleýmettik jelilerde tarady. Feık avtorlary belgisiz adamnyń sýretin de paıdalanǵan.

"Qazirgi ýaqytta qala aýmaǵynda mundaı oqıǵalar tirkelgen joq. Tekserý barysynda aqparat rastalmady", - dep atap ótti polısıadaǵylar.

Jergilikti turǵyndardan tek resmı aqparatty basshylyqqa alý suralady.

Polıseıler QR Qylmystyq kodeksiniń 274-baby boıynsha kórineý jalǵan aqparat taratqany úshin aıyppuldan bastap úsh jylǵa deıin bas bostandyǵynan aıyrý túrinde qylmystyq jaýapkershilik qarastyrylatynyn eske salady.