ەلەۋمەتتٸك جەلٸدە مانياك دەپ ايدار تاعىلعان ەر ادامنىڭ سۋرەتٸ تاراي باستادى. جازبادا قاسكٶيدٸڭ تاڭداۋى, كٶبٸنە جاسٶسپٸرٸمدەرگە تٷسەتٸنٸ ايتىلعان. اباي وبلىسىنىڭ پوليتسييا دەپارتامەنتٸ سەمەيدە جاسٶسپٸرٸمدەردٸ ٶلتٸرەتٸن مانياك پايدا بولعانى تۋرالى اقپاراتتى جوققا شىعاردى, دەپ حابارلايدى Dalanews.kz.
مۇنداي جازبا بٸر كٷن بۇرىن ەلەۋمەتتٸك جەلٸلەردە تارادى. فەيك اۆتورلارى بەلگٸسٸز ادامنىڭ سۋرەتٸن دە پايدالانعان.
"قازٸرگٸ ۋاقىتتا قالا اۋماعىندا مۇنداي وقيعالار تٸركەلگەن جوق. تەكسەرۋ بارىسىندا اقپارات راستالمادى", - دەپ اتاپ ٶتتٸ پوليتسيياداعىلار.
جەرگٸلٸكتٸ تۇرعىنداردان تەك رەسمي اقپاراتتى باسشىلىققا الۋ سۇرالادى.
پوليتسەيلەر قر قىلمىستىق كودەكسٸنٸڭ 274-بابى بويىنشا كٶرٸنەۋ جالعان اقپارات تاراتقانى ٷشٸن ايىپپۇلدان باستاپ ٷش جىلعا دەيٸن باس بوستاندىعىنان ايىرۋ تٷرٸندە قىلمىستىق جاۋاپكەرشٸلٸك قاراستىرىلاتىنىن ەسكە سالادى.
