Áleýmettik jelide Merki aýdandyq aýrýhanasynda kórsetiletin meditsinalyq qyzmetterdiń sapasy men mekemeniń materialdyq-tehnikalyq jabdyǵyna qatysty shaǵymdar qaptap ketti. Osyǵan bailanysty Jambyl oblysynyń ákimi Erbol Qarashókeev arnaiy keńes ótkizdi, dep habarlaidy Dalanews.kz.
Jiynǵa Astanadan kelgen QR Densaýlyq saqtaý ministriniń tapsyrmasyna sáikes Jambyl oblysyna QR DSM Meditsinalyq jáne farmatsevtikalyq baqylaý komiteti tóraǵasynyń orynbasary Nurlan Aimanov ta qatysty, dep habarlaidy oblystyq ákimdiktiń baspasóz qyzmeti.
Ol Jambyl oblysy ákiminiń tapsyrmasymen qurylǵan arnaiy komissiiany basqarady. Onyń quramyna densaýlyq saqtaý basqarmasy basshylyǵynyń, sanitarlyq-epidemiologiialyq baqylaý departamentiniń, "Áleýmettik meditsinalyq saqtandyrý qory" KEAQ filialynyń, QR DSM Meditsinalyq jáne farmatsevtikalyq baqylaý komiteti departamentiniń ókilderi engen.
"Komissiia barlyq kórsetilgen faktiler boiynsha tekserý júrgizedi jáne onyń nátijeleri boiynsha qorytyndy ázirleidi. Kináli tulǵalar zań talaptaryna sáikes jaýapqa tartylatyn bolady. Oblys basshysy osy jáne ózge túrli keleńsiz jaǵdailardy boldyrmaý úshin barlyq aýdandyq aýrýhanaǵa tekserý júrgizýdi, jergilikti jerlerdegi jaǵdaidy egjei-tegjeili zerdeleýdi tapsyrdy", delingen oblys ákimdigi nusqaýlyǵynda.
Erbol Qarashókeev jaýaptylarǵa oblystyń meditsinalyq uiymdarynda qajetti dárilik zattardyń jetkilikti qoryn qamtamasyz etý, densaýlyq saqtaý nysandarynyń qyzmetine baqylaýdy kúsheitý jáne kórsetiletin meditsinalyq qyzmetterdiń sapasyn arttyrý boiynsha keshendi sharalar qabyldaý mindetin júktedi.
Aita ketsek, Jambyl oblysynda 2025 jyly naýryzda aýrýhanada jańa bosanǵan áiel men balasy kóz jumdy. Tekserý kezinde birqatar meditsinalyq olqylyqtar anyqtaldy. Sondai-aq protsedýralyq kabinetterdiń birinde ekpe saldyrǵan adam da qaitys boldy. Osy jaǵdailardan soń Densaýlyq saqtaý ministrligi óńirde arnaiy tekserý júrgizip, onyń qorytyndysy boiynsha el azamattaryna úndeý jariialady. Úndeýde el turǵyndaryna qandai da bir meditsinalyq qyzmetke júginer aldynda onyń litsenziiasyn tekserýdi, iaǵni zańdy-zańsyz jumys istep jatqanyn aldyn ala tekserip alý suralady. Óitkeni tekserý kezinde, óńirdegi 107 protsedýralyq kabinettiń tek 42-siniń litsenziiasy bar bolyp shyqqan. Osydan soń jelide jekelei tekserýdi suraǵan shaǵymdar qaptai bastady.
