Mańǵystaýdaǵy Bozjyra shatqalynda estoniialyq tanymal sleklainer Ian Roze áigili "Qos azý" jartasynyń arasyn jalǵaǵan aspaly arqanmen júrip ótti, dep habarlaidy dalanews.kz.
Tabiǵaty erekshe mekende túsirilgen videoda sportshy júzdegen metr biiktikte tepe-teńdigin saqtap qana qoimai, birneshe akrobatikalyq qimyl da kórsetken. Onyń batyldyǵy men sheberligi kópshilikti tańǵaldyrdy.
Áleýmettik jelilerde keńinen taraǵan kadrlar qoldanýshylardyń qyzý talqysyna túsip, myńdaǵan qaralym jinap jatyr. Kópshilik Ian Rozeniń ónerin joǵary baǵalap qana qoimai Bozjyranyń tańǵajaiyp tabiǵatyna da erekshe nazar aýdardy.
