Memleket basshysy Qasym-Jomart Toqaev Yessenov Technopark qyzmetimen tanysty, - dep habarlaidy Dalanews.kz
Qasym-Jomart Toqaev Shahmardan Esenov atyndaǵy Kaspii tehnologiialar jáne injiniring ýniversitetiniń aýmaǵynda ornalasqan tehnologiia parkiniń jumysymen tanysty.
Prezidentke tehnoparktiń zamanaýi infraqurylymmen jasaqtalǵany jóninde aityldy. Munyń bári startaptar men jobalar ázirleýmen ainalysatyn kásipkerlerdi, stýdentterdi, sondai-aq oqýshylardy qoldaýǵa arnalǵan.
Memleket basshysyna innovatsiialyq zerthanalar men sheberhanalar tanystyryldy. Onda stýdentter men jas mamandar elektronika, robotty tehnika, lazermen kesý, aǵash jáne metall óńdeý, poligrafiia, 3D-dizain, tiginshilik daǵdylaryn meńgeredi.
Prezident halyqaralyq baǵdarlama boiynsha IT-mamandardy daiarlaityn oqý aimaǵyn jáne tsifrlyq ári telekommýnikatsiialyq quzyretterdi damytýǵa baǵyttalǵan zerthanany aralap kórdi.
Qasym-Jomart Toqaev stýdenttermen áńgimelesý barysynda qazir jańa tehnologiialar men jasandy intellekt baǵyttaryn damytý ózekti bolyp otyrǵanyn jetkizdi. Prezidenttiń aitýynsha, elimizde kólik-logistika salasynyń bilikti mamandaryna suranys joǵary. Memleket basshysy jastardy keleshektiń kepili sanalatyn sapaly bilim alýǵa shaqyrdy.
