Almatyda dárigerler áieldi turǵyn úi aýlasynda bosandyryp aldy, dep habarlaidy dalanews.kz.
Naýryzbai aýdanynda jedel járdem dárigerleri kúrdeli jaǵdaida áielge kómektesti. Shuǵyla shaǵynaýdanyndaǵy turǵyn úi keshenderiniń biriniń aýlasynda qyz bala meditsinalyq zembilde dúniege keldi.
Áleýmettik jelidegi kýágerlerdiń málimetinshe, aýlada kólikter kóp qoiylýy dárigerlerdiń bosanyp jatqan áielge tez jetýine kedergi bolǵan.
Meditsina qyzmetkerleri naýqasqa jetken kezde áieldiń tolǵaǵy kúsheiip, bosaný protsesi bastalyp ketken. Ony aýrýhanaǵa jetkizýge ýaqyt bolmaǵandyqtan, dárigerler sol jerde kómek kórsetip, ony bosandyryp alǵan.
Jedel járdem brigadasy ana men jańa týǵan sábige alǵashqy meditsinalyq kómek kórsetip, keiin ekeýin de qalalyq perinataldyq ortalyqqa jetkizdi.
