Resei prezidenti Vladimir Pýtin eldegi janarmai tapshylyǵy men jetkizilimdegi irkilister áli de saqtalyp otyrǵanyn málimdedi, dep habarlaidy dalanews.kz Bloomberg-ke silteme jasap.
Pýtinniń aitýynsha, naryqty turaqtandyrýǵa baǵyttalǵan sharalar qabyldanyp jatqanyna qaramastan, másele tolyq sheshilmegen.
«Avtokólik júrgizýshileri men biznes úshin qiyndyqtar áli de bar ekenin jaqsy bilesizder. Ókinishke qarai, janarmai quiý beketterinde kezek te saqtalyp otyr. Keide qajetti sapadaǵy benzindi tabý múmkin bolmai jatady», – dedi Resei prezidenti.
Onyń sózinshe, bilik jaǵdaidy turaqtandyrý úshin túrli tetikterdi qarastyryp jatyr. Sonyń ishinde dizel otynyn eksporttaýǵa tolyq tyiym salý múmkindigi de talqylanýda. Alaida bul jóninde túpkilikti sheshim áli qabyldanbaǵan.
Pýtin sondai-aq eldegi benzin qory byltyrǵy deńgeige jýyq ekenin aitty. Onyń málimetinshe, qazirgi tańda qor kólemi shamamen 1,7 mln tonnany quraidy.
Prezidenttiń sózinshe, shilde aiynda janarmai óndirisi maýsymmen salystyrǵanda artady dep kútilýde. Sonymen qatar Reseidegi munai óńdeý zaýyttary qazir barynsha joǵary qýatta jumys istep jatyr.
